दिशा सालियान आत्महत्या प्रकरण | CBI तपासाची याचिका हायकोर्टाने फेटाळली

मुंबई, २६ नोव्हेंबर: मागील काही महिन्यांपासून सुशांत सिंग राजपूत आत्महत्या प्रकरणाने राजकीय वातावरण तापलं होतं. मात्र सीबीआयकडे प्रकरण देऊन सुद्धा काहीच हाती न लागल्याने विरोधकांचा देखील हिरमोड झाला होता. त्यानंतर राजकीय विरोधकांनी बॉलिवूड अभिनेता सुशांतसिंह राजपूत याची माजी मॅनेजर दिशा सालियान हिच्या मृत्यू प्रकरणाकडे (Sushant Singh Rajput Ex Manager Desha Salian suicide case) मोर्चा वळवला होता. वास्तविक सदर प्रकरणाची फाइल मुंबई पोलिसांनी बंद केल्यानंतर दिशाच्या मृत्यूचा तपास सीबीआयकडे सोपवण्यात यावा अशी याचिका मुंबई उच्च न्यायालयात दाखल करण्यात आली होती. ही याचिका मुंबई हायकोर्टानं (Mumbai High Court rejected plea) अखेर फेटाळली आहे.

सुशांतसिंह राजपूत याच्या आत्महत्येच्या काही दिवस आधी दिशा सालियन हिनं घराच्या बाल्कनीतून उडी मारून आत्महत्या केली होती. सुशांतच्या आत्महत्येनंतर उठलेल्या वादळानंतर दिशाच्या आत्महत्येची नव्यानं जोरदार चर्चा सुरु झाली होती. तिच्यावर लैंगिक आत्याचार करुन तिचा खून करण्यात आल्याचा संशय काही जणांनी व्यक्त केला होता. अनेक राजकीय विरोधकांनी यामध्ये राज्याचे पर्यावरण मंत्री आदित्य ठाकरे यांना देखील गोवण्याचा प्रयत्न केला होता. त्यातून सुशांतप्रमाणे दिशाच्या आत्महत्येचा तपासही सीबीआयकडे सोपवावा अशी विनंती जनहित याचिका दाखल करण्यात आली होती. मात्र आज संबंधित याचिका मुंबई उच्च न्यायालयाने फेटाळली आहे.

News English Summary: Bollywood actor Sushant Singh Rajput’s former manager Disha Salian’s suicide case was the front. In fact, a petition was filed in the Mumbai High Court seeking that the investigation into Disha’s death be handed over to the CBI after the Mumbai Police closed the case file. This petition has been rejected by the Mumbai High Court.

News English Title: Mumbai High court rejects the plea of CBI probe into Disha Salian death News updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.