नथुराम गोडसे हा स्वतंत्र भारतातील पहिला हिंदू दहशतवादी होता: कमल हसन

अर्वाकुरची : स्वतंत्र भारतातील पहिला दहशतवादी हिंदू होता आणि त्याचे नाव नथुराम गोडसे होतं अस विधान प्रसिद्ध अभिनेत्यापासून तामिळ्नाडूनचा नेता झालेल्या कमल हसन यांनी केलं आहे. तामिळनाडू येथील हसन यांच्या मक्कल निधी मय्यम या पक्षाच्या उमेदवाराचा प्रचार करताना अभिनेता कमल हसन यांनी हे खळबळजनक विधान केलं आहे. अर्वाकुरची येथील जाहीर प्रचारसभेत ते बोलत होते.

अर्वाकुरची येथे येत्या १९ तारखेला विधानसभा निवडणुकीसाठी पोटनिवडणूक होत आहे. याठिकाणी कमल हसन यांच्या राजकीय पक्षाचा उमेदवार उभा आहे. या उमेदवाराच्या प्रचारासाठी कमल हसन अर्वाकुरची येथे आले होते. त्यावेळी बोलताना कमल हसन म्हणाले की, पहिला हिंदूदहशतवादी नथुराम गोडसे होता. या ठिकाणी बहुसंख्य मुस्लिम असल्यामुळे मी हे बोलत नाही तर माझ्यासमोर महात्मा गांधी यांचा पुतळा आहे त्याच्यासमोर उभं राहून मी हे जाहीरपणे सांगतोय.

त्यामुळे दक्षिणेतील वातावरण देखील सध्या आरएसएस’च्या विरोधात पेटण्याची शक्यता आहे आणि मुख्य विधानसभा निवडणुकीत हा विषय मोठ्या प्रमाणावर पेट घेण्याची शक्यता आहे.

Kamal Haasan during campaigning in Aravakurichi assembly constituency, Tamil Nadu, yesterday: “I am not saying this because many Muslims are here. I’m saying this in front of Mahatma Gandhi’s statue. First terrorist in independent India is a Hindu, his name is Nathuram Godse.” pic.twitter.com/LSDaNfOVK0

— ANI (@ANI) May 13, 2019