कर्नाटक सरकार | ऑपरेशन लोटस’ची चौकशी करण्यास न्यायालयाची परवानगी

बंगळुरू, ०१ एप्रिल: देशाच्या राजकारणात बहुचर्चित ठरलेल्या कर्नाटकातील ऑपरेशन लोटसप्रकरणी मुख्यमंत्री बीएस येडियुरप्पा यांना बेंगळुरू उच्च न्यायालयाने मोठा धक्का दिला आहे. याप्रकरणाची चौकशी करण्यास उच्च न्यायालयाने परवानगी दिली आहे. त्यामुळे येडियुरप्पा यांच्यासमोरील अडचणीत प्रचंड वाढ होण्याची शक्यता वर्तवण्यात येत आहे.

जनता दल सेक्युलरचे नेते नगन गौडा यांचे चिरंजीव शरण गौडा यांनी याप्रकरणी एफआयआर दाखल केला होता. हा एफआयआर रद्द करण्यासाठी कोर्टात याचिका दाखल करण्यात आली होती. कोर्टाने हा एफआयआर रद्द करण्याची मागणी करणारी याचिका फेटाळून लावली आहे.

2019मध्ये आमचं सरकार पाडण्यासाठी भाजपने षडयंत्र रचलं होतं, असा दावा काँग्रेस आणि जेडीएसने केला होता. त्याप्रकरणाची न्यायिक चौकशी करण्याची मागणी देखील या दोन्ही पक्षांनी केली होती. 2018मध्ये त्रिशंकू विधानसभा अस्तित्वात आल्यानंतर काँग्रेस-जेडीएसने एकत्र येऊन सत्ता स्थापन केली होती. त्यानंतर 2019मध्ये सत्ताधारी आघाडीतील काही आमदार फुटले आणि भारतीय जनता पक्षाला जाऊन मिळाले होते. त्यामुळे राज्यात येडियुरप्पा यांचं सरकार स्थापन झालं होतं. त्यावेळी ऑपरेशन लोटसद्वारेच आमचं सरकार पाडल्याचा आरोप यावेळी काँग्रेसने केला होता. मात्र मुख्यमंत्री येडीयुरप्पा यांनी हे सर्व आरोप फेटाळून लावले होते.

कर्नाटक विधानसभेच्या 224 जागांसाठी 2018मध्ये निवडणुका झाल्या. या निवडणुकीत भाजप 104, काँग्रेस 80 आणि जेडीएसला 37 जागा मिळाल्या होत्या. त्यात भाजप पहिल्या क्रमांचा पक्ष ठरला होता, मात्र काँग्रेस आणि जेडीएस एकत्र येऊन त्यांनी सत्ता स्थापन केली. तिसऱ्या क्रमांकावर असलेल्या जेडीएसचे कुमारस्वामी मुख्यमंत्रीपदी विराजमान झाले होते. कर्नाटकात बहुमतासाठी 113 जागांची गरज आहे.

News English Summary: The Bengaluru High Court has dealt a major blow to Chief Minister BS Yeddyurappa in the wake of Operation Lotus in Karnataka, which has become a hot topic in the country’s politics. The High Court has allowed the matter to be investigated. Therefore, the difficulty facing Yeddyurappa is expected to increase tremendously.

News English Title: Operation Lotus Karnataka High court vacates stay allows probe against chief minister Yediyurappa news updates.