महत्वाच्या बातम्या

• 

  देशातील कोरोना रुग्णांच्या संख्येत आतापर्यंतची सर्वात मोठी वाढ

  मागील २४ तासांमध्ये देशभरात कोरोनाचे २२९३ नवे रुग्ण आढळून आले आहेत. तर ७१ जणांचा मृत्यू झाला आहे. एकाच दिवसात नोंदवल्या गेलेल्या रुग्णांचा हा आतापर्यंतचा सर्वाधिक मोठा आकडा आहे. गेल्या काही दिवसांमध्ये भारतात प्रत्येक दिवशी साधारण १५०० ते १९०० च्या दरम्यान रुग्णांची संख्या वाढत होती. मात्र, आता पहिल्यांदाच हा आकडा २००० च्या पुढे गेला आहे. भारताच्यादृष्टीने ही अत्यंत चिंतेची बाब आहे.

  5 वर्षांपूर्वी
• 

  देशात लॉकडाउन आणखी दोन आठवड्याने वाढला

  देशभरातील लॉकडाउन दोन आठवड्यांनी वाढवण्याची घोषणा केंद्र सरकारनं केली आहे. यासंदर्भात केंद्र सरकारनं एक पत्रक जारी केलं आहे. ३ मे रोजी लॉकडाउनचा दुसरा टप्पा पूर्ण होणार होता. त्यापूर्वीच पुन्हा एकदा लॉकडाउन वाढवण्याची घोषणा सरकारनं केली आहे. या लॉकडाउन दरम्यान रेड झोनमधील कोणत्याही भागांना सवलत देण्यात येणार नसल्याचं सरकारनं स्पष्ट केलं आहे.

  5 वर्षांपूर्वी
• 

  हैदराबादमधून हटियासाठी पहिली विशेष रेल्वे गाडी सोडण्याचा निर्णय: ANI वृत्त

  देशातील कोरोनाबाधितांची संख्या ३४ हजार ७८० वर पोहोचली आहे. त्यातील ९०६८ जण बरे झाले असून बुधवारी ६३० जण कोरोनामुक्त झाले. रुग्ण बरे होण्याचे प्रमाण १४ दिवसांमध्ये १३.२४ टक्क्यांवरून २५.१९ वर गेले आहे. देशाचा रुग्ण दुप्पट होण्याचा सरासरी वेग ३.४ वरून ११ दिवसांवर आला आहे. रुग्ण दुप्पट होण्याचा कालावाधी वाढल्याने आरोग्य यंत्रणांना मोठा दिलासा मिळाला आहे, अशी माहिती केंद्रीय आरोग्य मंत्रालयाने गुरुवारी दिली.

  5 वर्षांपूर्वी
• 

  चिंता वाढली! देशात १८२३ नवे करोना रुग्ण, २४ तासात ६७ मृत्यू

  देशात मागील २४ तासांत १,७१८ नवे रुग्ण आढळले असून एकूण कोरोनाग्रस्तांचा आकडा हा ३३,०५० वर पोहचला आहे. केंद्रीय आरोग्यमंत्रालयाने यासंदर्भात माहिती दिली. कोरोना विषाणूचे देशातील संक्रमण रोखण्याच्या दृष्टिने सुरु असणारे प्रयत्नांना सकारात्मक यश मिळत आहे, असेही आरोग्य मंत्रालयाचे संयुक्त सचिव लव अग्रवाल यांनी स्पष्ट केले. देशातील कोरोनाग्रस्तांच्या दुप्पट होणारा आकड्याचा वेग आता मंदावला आहे. ११ दिवसांनी देशातील कोरोनाग्रस्तांचा आकडा दुप्पट होत आहे. हे दिवस वाढत जातील तसे आपण कोरनावर नियंत्रण मिळवू, असेही अग्रवाल यांनी म्हटले आहे.

  5 वर्षांपूर्वी
• 

  लॉकडाऊनमध्ये अडकलेल्या कामगार, विद्यार्थ्यांना घरी जाण्यास केंद्राची परवानगी

  लॉकडाउनमुळे विविध राज्यांमध्ये गेले ३६ दिवस अडकून पडलेल्या स्थलांतरीत मजूर, विद्यार्थी, पर्यटकांना आणि धार्मिक यात्रेकरूंना आपापल्या घरी जाण्याची मुभा देणारा मोठा निर्णय केंद्रीय गृह मंत्रालयाने घेतला आहे. या निर्णयानुसार आता या अडकलेल्या नागरिकांना आंतरराज्यीय प्रवास करता येणार आहे. या नागरिकांची पाठवणी करणे, तसेच त्याना राज्यात प्रवेश देण्यासाठी राज्य सरकार तसेच केंद्रशासित प्रदेशांना नोडल प्राधिकरणाची स्थापना करावी अशा सूचना केंद्रीय गृह मंत्रालयाने केल्या आहेत.

  5 वर्षांपूर्वी
• 

  हैदराबाद: लॉकडाउनला कंटाळून स्थलांतरीत मजूर रस्त्यावर, पोलिसांवर दगडफेक

  कोरोना लॉकडाऊनमुळे परराज्यात अडकलेल्यांना आपल्या राज्यात पुन्हा पाठवायला केंद्र सरकारने सशर्त परवानगी दिली आहे. केंद्रीय गृहखात्याने परराज्यात अडकलेले मजूर, विद्यार्थी, पर्यटक आणि यात्रेकरूंना त्यांच्या राज्यात जायला परवानगी देण्यात आली आहे, पण याबाबत गृहखात्याने काही अटी ठेवल्या आहेत.

  5 वर्षांपूर्वी
• 

  RBI'ने भाजपच्या मित्रांची नावं चोरांच्या लिस्ट'मध्ये टाकली आहेत - राहुल गांधी

  काँग्रेसचे माजी अध्यक्ष, खासदार राहुल गांधी यांनी केंद्रातील मोदी सरकारवर पुन्हा एकदा हल्लाबोल केला आहे. देशात बँकेचे कोट्यवधी रुपये बुडविणाऱ्या थकबाकीदारांची नावे केंद्र सरकार लपवत आहे, असा आरोप राहुल गांधी यांनी केला आहे. आता भारतीय रिझर्व्ह बँकेने नीरव मोदी, मेहुल चोकसीसह भारतीय जनता पक्षाच्या मित्रांची नावे ‘बँकेच्या चोरांच्या’ यादीत समाविष्ट केली आहेत असे संसदेत विचारलेल्या प्रश्नाचा उल्लेख करत राहुल गांधी म्हणाले.

  5 वर्षांपूर्वी
• 

  कोरोनावर प्लाझ्मा थेरपीच्या सफलतेचा कोणताही पुरावा नाही - आरोग्य मंत्रालय

  देशात गेल्या २४ तासात करोनाचे १५९४ रुग्ण पॉझिटिव्ह आढळले आहेत. त्यामुळे देशातील करोना रुग्णांची संख्या २९ हजार ९७४ एवढी झाली आहे. आत्तापर्यंत करोनामुळे ९३७ रुग्णांचा मृत्यू झाला आहे. गेल्या चोवीस तासात करोनामुळे ५१ रुग्णांचा मृत्यू झाला आहे. केंद्रीय आरोग्य मंत्रालयाने यासंदर्भातली माहिती दिली आहे. आत्तापर्यंत देशभरात ७ हजार २७ करोना रुग्णांना डिस्चार्ज देण्यात आला आहे. २२ हजार १० रुग्णांवर उपचार सुरु आहेत.

  5 वर्षांपूर्वी
• 

  अत्यंत निघृण आणि अमानुष! मंदिरात दोन संत साधुंची हत्या झाली आहे

  उत्तर प्रदेशात दोन साधूंची हत्या करण्यात आल्याने खळबळ माजली आहे. गावातील मंदिरात मृतदेह आढळल्यानंतर हा प्रकार उघडकीस आला. उत्तर प्रदशचे मुख्यमंत्री योगी आदित्यनाथ यांनी याप्रकरणी चौकशीचे आदेश दिले आहेत. दरम्यान शिवसेना खासदार संजय राऊत यांनी या प्रकरणावर प्रतिक्रिया देताना पालघर घटनेचा उल्लेख करत या घटनेला धार्मिक रंग देऊ नये असं आवाहन केलं आहे.

  5 वर्षांपूर्वी
• 

  भाजपाची सत्ता असलेल्या उत्तर प्रदेशात दोन साधूंची क्रूर हत्या; मृतदेह मंदिरात आढळले

  महाराष्ट्रातील पालघर येथील साधूंच्या हत्येची घटना ताजी असतानाच उत्तर प्रदेशातील बुलंदशहर जिल्ह्यात पुन्हा दोन साधूंची हत्या करण्यात आल्याची खळबळजनक घटना घडली आहे. गावातील मंदिरात दोन साधूचे मृतदेह आढळून आल्यानंतर हा प्रकार समोर आला. याप्रकरणी पोलिसांनी आरोपीला अटक केली असून, उत्तर प्रदेशचे मुख्यमंत्री योगी आदित्यनाथ यांनी चौकशीचे आदेश दिले आहेत.

  5 वर्षांपूर्वी
• 

  देशातील एकूण कोरोनाबाधितांपैकी ४१ टक्के रुग्ण महाराष्ट्र आणि गुजरातमध्ये

  लॉकडाउनमुळे करोनाच्या प्रसारावर काही प्रमाणात परिणाम झाला असल्याचं वेगवेगळ्या अहवालातून समोर आलं आहे. मात्र, आता देशासमोर करोनामुळे होणाऱ्या मृत्यूची चिंता उभी ठाकली आहे. गेल्या २४ तासात देशात आतापर्यंत सर्वाधिक मृत्यू झाले आहेत. देशभरात ६० जणांचा मृत्यू झाला असून, देशभरातील रुग्णांची संख्या २९ हजारांच्या उंबरठ्यावर पोहोचली आहे.

  5 वर्षांपूर्वी
• 

  निर्णय चुकला, आपत्तीत चिनी रॅपिड अ‍ॅंटीबॉडी टेस्ट किट्स ऑर्डर रद्द करण्याची वेळ

  रॅपिड अ‍ॅंटीबॉडी टेस्ट किट्सच्या पुरवठयाची चीनला देण्यात आलेली ऑर्डर रद्द करण्यात आली आहे. आरोग्य मंत्रालयाने सोमवारी ही माहिती दिली. करोना व्हायरसची जलदगतीने चाचणी करुन निदान करता यावे, यासाठी चीनमधून हे किट्स मागवण्यात आले होते. पण किट्सच्या खराब दर्जामुळे ऑर्डर रद्द करण्याचा निर्णय घेण्यात आला आहे. खरेदीच्यावेळी सर्व प्रक्रियांचे पालन करण्यात आले होते. त्यामुळे एक पैसाही वाया जाऊ देणार नाही असे सरकारकडून स्पष्ट करण्यात आले आहे.

  5 वर्षांपूर्वी
• 

  रेड, ऑरेंज, ग्रीन झोननिहाय लॉकडाऊनबाबत राज्यांना धोरण ठरवावे लागणार

  देशावर कोरोनाची आपत्ती ओढावल्यापासून पंतप्रधान नरेंद्र मोदी यांनी चौथ्यांदा सर्व राज्यांच्या मुख्यमंत्र्यांशी संवाद साधला आहे. प्रत्येक कॉन्फरन्समध्ये काही राज्यांना बोलण्याची संधी मिळत आहे. जी राज्ये राहिली होती त्यांच्या मुख्यमंत्र्यांना कोरोनाविषयक त्यांच्या राज्यात काय काय उपाययोजना सुरु आहेत ते सांगण्याची संधी आज दिली. महाराष्ट्राने यापूर्वीच्या तीन कॉन्फरन्समध्ये आपल्या उपाययोजनांची माहिती दिली होती.

  5 वर्षांपूर्वी
• 

  गुजरात-मध्यप्रदेशात L स्ट्रेन कोरोना व्हायरस; परिणामी मृत्युदर अधिक: संशोधन

  भारतामध्ये कोरोना विषाणूचा विळखा वाढत चालला आहे. दिवसेंदिवस कोरोनाबाधित रुग्णांच्या संख्येत वाढ होत चालली आहे. आरोग्य मंत्रालयाने दिलेल्या आकडेवारीनुसार, भारतामध्ये कोरोनाबाधित रुग्णांचा आकडा २७ हजारांवर पोहचला आहे. तर आतापर्यंत ८७२ कोरोनाबाधित रुग्णांचा उपचारादरम्यान मृत्यू झाला आहे. महाराष्ट्रामध्ये सर्वात जास्त कोरोनाचे रुग्ण आहेत.

  5 वर्षांपूर्वी
• 

  गुजरातमध्ये २४ तासात कोरोनाचे २३० नवे रुग्ण; कोरोनाबाधितांचा आकडा ३,३०१ वर

  आरोग्य मंत्रालयाने रविवारी सकाळी प्रसिद्ध केलेल्या आकडेवारीनुसार गेल्या २४ तासात देशात कोरोनाचे १९९० रुग्ण सापडले आहेत. त्यामुळे देशातील कोरोनाच्या रुग्णांमध्ये लक्षणीय वाढ होऊन ती २६ हजार ४९६ पर्यंत पोहोचली आहे. तर या २४ तासात देशभरात कोरोनामुळे ४९ जणांचा मृत्यू झाला आहे. तर याच काळात ७४१ रुग्ण बरे झाले आहेत. आतापर्यंत देशात ५ हजार ८०४ कोरोनाबाधित पूर्णपणे बरे झाले आहेत. देशातील कोरोनाबाधित मृत्युमुखी पडलेल्या रुग्णांची संख्या ८७२ वर पोहोचली आहे.

  5 वर्षांपूर्वी
• 

  राजकारणी सुद्धा विळख्यात; गुजरातमध्ये वरिष्ठ काँग्रेस नेत्याचा कोरोनामुळे मृत्यू

  देशात कोरोनाचा विळखा वाढत चालला असून दिवसेंदिवस कोरोनाबाधित रुग्णांच्या संख्येत वाढ होत चालली आहे. अशात गुजरातमध्ये एका वरिष्ठ काँग्रेस नेत्याचा कोरोनामुळे मृत्यू झाल्याची माहिती समोर आली आहे. काँग्रेसचे वरिष्ठ नेते आणि अहमदाबाद महानगरपालिकेतील काँग्रेसचे नगरसेवक असलेले बदरुद्दीन शेख यांचा कोरोनामुळे मृत्यू झाला आहे.

  5 वर्षांपूर्वी
• 

  २४ तासांत कोरोनाचे देशात ४७ मृत्यू, १९७५ नवीन रुग्ण

  देशात कोरोनाग्रस्तांच्या संख्येत झपाट्याने वाढ होत आहे. गेल्या २४ तासांत देशात १९७५ नवे कोरोना रुग्ण आढळले आहेत. तर ४७ जणांचा मृत्यू झाला आहे. त्यामुळे आता देशात एकूण कोरोनाबाधितांची संख्या २६ हजार ९१७ इतकी झाली आहे. देशात आतापर्यंत ५ हजार ९१४ रुग्ण कोरोनामुक्त झाले आहेत. तर ८२६ लोकांचा कोरोनामुळे मृत्यू झाल्याची माहिती, केंद्रीय आरोग्य मंत्रायाकडून देण्यात आली आहे.

  5 वर्षांपूर्वी
• 

  आपल्यापर्यंत कोरोना पोहचणार नाही या अतिआत्मविश्वासात फसू नका

  पंतप्रधान नरेंद्र मोदी यांनी ‘मन की बात’मधून आज जनतेशी संवाद साधला. भारतात कोरोनाविरोधाची लढाई जनता लढत आहे. शासन आपल्या सोबत आहे. आज पूर्ण देश, प्रत्येक नागरिक या लढाईचा शिपाई आहे. या लढाईचे नेतृत्व करत आहे. पूर्ण जग या कोरोनाशी लढतोय. भविष्यात कोरोनाविरोधातील लढाईचा वेध घेतला जाईल तेव्हा भारतातील नागरिकांच्या लढाईचा गौरव होईल असे ते म्हणाले.

  5 वर्षांपूर्वी
• 

  देशातील कोरोनाबाधितांची संख्या २६ हजार ४९६ वर पोहचली

  देशभरातील विविध राज्यांमध्ये करोनाच्या रुग्णांची संख्या वाढताना दिसतेय.आरोग्य मंत्रालयानं दिलेल्या माहितीनुसार, देशात करोना व्हायरसबाधित रुग्णांची संख्या २६ हजार ४९६ वर पोहचलीय. यातील ५८०४ जणांवर उपचार यशस्वी ठरलेत. तर करोनाला बळी पडणाऱ्यांची संख्या ८२४ वर पोहचलीय.

  5 वर्षांपूर्वी
• 

  लॉकडाउनमध्ये वाईन शॉपला परवानगी नाहीच, केंद्रीय गृहमंत्रालयाचे स्पष्टीकरण

  कोरोना विषाणूच्या पार्श्वभूमीवर देशव्यापी लॉकडाउनच्या कालावधीत ग्रामीण भागात थोड्याप्रमाणात शिथिलता देण्यात आली आहे. त्यामुळे अनेक छोटी मोठी दुकाने खुली होण्याचा मार्ग मोकळा झालाय. दरम्यान लॉकडाउनच्या कालावधीत मद्य विक्रीची दुकाने खुली करावी, अशी मागणी होत होती. केंद्र सरकारने यावर आपली भूमिका स्पष्ट केली आहे. लॉकडाउनच्या काळात मद्य विक्रीच्या दुकानांना कोणतीही मुभा मिळणार नाही, असे गृहमंत्रालयाने शनिवारी स्पष्ट केले.

  5 वर्षांपूर्वी