महत्वाच्या बातम्या

• 

  राहुल गांधी आज अमेठीतून उमेदवारी अर्ज भरणार

  कॉंग्रेस राष्ट्रीय अध्यक्ष राहुल गांधी यंदाच्या लोकसभा निवडणुकीत अमेठी आणि वायनाड अशा २ मतदारसंघांतून निवडणूक लढवणार आहेत. दरम्यान, ४ एप्रिल रोजी त्यांनी वायनाड मतदारसंघातून उमेदवारी अर्ज दाखल असून आज ते अमेठी मतदारसंघातून उमेदवारी अर्ज भरणार आहेत. हा अर्ज भरण्याआधी ते अमेठीत रोड शो करणार आहेत. यावेळी त्यांच्यासोबत सोनिया गांधी आणि प्रियांका गांधी उपस्थित राहणार आहेत. रोड शो सकाळी दहा वाजता मुंशागंजपासून सुरु होणार आहे. तर दुपारी १२.३० वाजता राहुल गांधी जिल्हाधिकारी कार्यालयात निवडणूक अर्ज भरणार आहेत.

  6 वर्षांपूर्वी
• 

  आम्हाला मोदींचे दोन चेहरे पाहायला मिळणार, एक निवडणुकीपूर्वीचा व एक निवडणुकीनंतरचा

  पाकिस्तानचे पंतप्रधान इम्रान खान यांनी पंतप्रधान नरेंद्र मोदी पुन्हा सत्तेत आल्यास भारत आणि पाकिस्तानमध्ये पुन्हा शांततेवर चर्चा होण्याची शक्यता आहे असं म्हटलं आहे. यावेळी त्यांनी सध्या विरोधी बाकावर असणारा काँग्रेस पक्ष सत्तेत आल्यास पुन्हा चर्चा होणं अशक्य असल्याचंही मत व्यक्त केलं आहे. राजकीय पक्षांकडून टीका होईल या भीतीने भारतातील काँग्रेस शांततेवर चर्चा करणार नाही असं इम्रान खान यांनी मत व्यक्त केलं आहे. गुरुवारपासून भारतात लोकसभा निवडणुकीसाठी मतदानाला सुरुवात होणार आहे. लोकसभेच्या ९१ जागांसाठी ११ एप्रिलला मतदान होणार आहे. २३ मे रोजी निकाल जाहीर होणार आहे.

  6 वर्षांपूर्वी
• 

  राज ठाकरेंचे आरोप खरे ठरले! नमामि गंगे केवळ देखावा: वॉटरमॅन राजेंद्र सिंह

  सुप्रसिद्ध वॉटरमॅन, जलतज्ज्ञ आणि पर्यावरणवादी राजेंद्र सिंह यांनी मोदी सरकारवर नमामि गंगे अभियानावरून सडकून टीका केली आहे. गंगा नदीच्या सद्यस्थितीवर बोलताना राजेंद्र सिंह म्हणाले की गंगा नदी पहिल्यापेक्षाही अधिक दूषित झाली आहे. नमामि गंगा अभियानाचा मूळ उद्देश हा गंगा नदी प्रदूषणमुक्त करणे हा होता, मात्र केंद्राची हि योजना केवळ सौंदर्यीकरण एवढंच असून प्रचंड पैसा खर्च करून देखील नदी पूर्वीपेक्षा देखील अधिक प्रदूषित झाल्याचा गंभीर आरोप त्यांनी यावेळी केला.

  6 वर्षांपूर्वी
• 

  बुलेट ट्रेनसाठी निसर्गाचा विध्वंस! ५३,४६७ खारफुटींच्या कत्तलीस परवानगी

  बुलेट ट्रेनसाठी ठाणे, नवी मुंबई व पालघर या पट्ट्यात तब्बल १३.३६ हेक्टर जागेवर पसरलेल्या एकूण ५३,४६७ खारफुटींची कत्तल करण्यास केंद्रीय पर्यावरण, वन व हवामान मंत्रालयाने (एमओईएफ) परवानगी दिल्याची अधिकृत माहिती नॅशनल हाय स्पीड रेल कॉर्पोेरेशन (एनएचएसआरसी)ने स्वतः हायकोर्टाला सोमवारी दिल्याचे वृत्त आहे.

  6 वर्षांपूर्वी
• 

  केसीआर आणि जगनमोहन रेड्डी हे मोदींचे पाळीव कुत्रे : चंद्राबाबू

  लोकसभा निवडणुका जसजशा जवळ येतील तसतशी प्रचाराची धार विखारी होताना दिसत आहे. आंध्र प्रदेशचे मुख्यमंत्री एन. चंद्राबाबू नायडू यांनी वायएसआर काँग्रेस पार्टीचे अध्यक्ष जगनमोहन रेड्डी आणि टीआरएसचे अध्यक्ष आणि तेलंगणाचे मुख्यमंत्री के. चंद्रशेखर राव यांच्यावर कठोर शब्दात निशाणा साधत वादग्रस्त विधान केले आहे. जगनमोहन रेड्डी आणि के. चंद्रशेखर राव यांना पंतप्रधान नरेंद्र मोदी यांचे पाळीव कुत्रे असल्याचे एन. चंद्राबाबू नायडू यांनी म्हटले आहे.

  6 वर्षांपूर्वी
• 

  उज्वला योजनेतील सिलिंडर परवडेना, ४ राज्यात ८५ टक्के लाभार्त्यांची चुलीला पसंती

  लोकसभा निवडणुकीत मोदी सरकारने आपल्या महत्वकांक्षी योजनांच्या यशाचा पाढा मोठी जाहिरातबाजी करत सुरू केला होता. यामध्ये प्रधानमंत्री उज्वला योजनेचा देखील समावेश आहे. दरम्यान, या योजनेवरुन एक धक्कादायक माहिती समोर आली आहे. ‘द हिंदू’ ने दिलेल्या अधिकृत वृत्तानुसार मोफत एलपीजी गॅस जोडणी झालेल्या ४ राज्यातील सुमारे ८५ टक्के लाभार्थी अजूनही चुलीवर स्वयंपाक बनवत असून त्यांना संपलेला सिलिंडर पुन्हा घेणे परवडत नसल्याचे देखील समोर आलं आहे.

  6 वर्षांपूर्वी
• 

  भाजपच्या जाहीरनाम्यात २०२४ मधील लोकसभेची गाजर पेरणी?

  आमागी लोकसभा निवडणुकीसाठी भारतीय जनता पक्षाने नवी दिल्ली येथे आपला जाहीरनामा प्रसिद्ध केला आहे. भारतीय जनता पक्षाने आपल्या जाहीरनाम्याला ‘संकल्पपत्र’ असे नाव दिले आहे. यावेळी नवी दिल्लीतील भाजपाच्या कार्यालयात यावेळी पंतप्रधान नरेंद्र मोदी, भाजप राष्ट्रीय अध्यक्ष अमित शाह, केंद्रीय गृहमंत्री राजनाथ सिंह, परराष्ट्र मंत्री सुषमा स्वराज, अर्थमंत्री अरुण जेटली, संरक्षण मंत्री निर्मला सीतारमण यांच्यासह भाजपचे वरिष्ठ नेते उपस्थित होते.

  6 वर्षांपूर्वी
• 

  बेटी बचाओ बेटी पढाओ हे ढोंग! भाजप आमदाराचा नातू तलवार घेऊन तरुणीच्या घरी

  भाजपने देशात सत्तेत आल्यावर बेटी बचाओ बेटी पढाओ घोषणा देत मोठी जाहिरातबाजी केली. परंतु त्यांचा खरा चेहरा याआधी देखील समोर आला असताना आता अजून एका प्रकरणाची भर पडली आहे. मध्य प्रदेशातील गुना मतदासंघाचे आमदार गोपीलाल जाटव यांचा नातवावर तरुणीचा विनयभंग केल्याचा आरोप आहे. एका मुलीला तिच्या कुटुंबियांना आमदार गोपीलाल जाटव यांचा नातू विवेक जाटव मागील दीड वर्षांपासून धमकावत असून, प्रचंड त्रास देत असल्याची तक्रार दाखल केली आहे.

  6 वर्षांपूर्वी
• 

  फेसबुक-ट्विटर 'फेक' अकाउंट्स, खोट्या राजकीय 'हवा' निर्मितीसाठी?

  २०१४ पासून समाज माध्यमांवरील अभ्यासातून असे उजेडात येत आहे की, ट्विटर आणि फेसबुकवरील ‘फेक फॉलोअर्स’ अकाउंट्स त्यांच्या राजकीय नेत्याची प्रतिमा उंचावण्यासाठी तसेच विरोधी नेत्याबद्दल दूषित वातावरण निर्मिती करण्यासाठी शिस्तबद्ध वापरली जात आहेत. काही दिवसांपूवीच ट्विटरने अधिकृतपणे भारतातील तसेच जगातील सर्वच राजकारण्यांच्या ‘फेक’ फॉलोअर्सचे आकडे घोषित केले होते.

  6 वर्षांपूर्वी
• 

  २०१४ मधील आश्वासनं केवळ थापा ठरल्या, आज नवा जाहीरनामा प्रसिद्ध होणार

  आमागी लोकसभा निवडणुकीसाठी भारतीय जनता पक्ष आपला अधिकृत जाहीरनामा आज प्रसिद्ध करणार आहे. भारतीय जनता पक्षाने आपल्या जाहीरनाम्याचे नाव ‘संकल्पपत्र’ असे दिले आहे. नवी दिल्लीतील भाजपा कार्यालयात हा जाहीरनामा प्रसिद्ध करण्यात येणार आहे. यावेळी पंतप्रधान नरेंद्र मोदी, भाजपा अध्यक्ष अमित शाह यांच्यासह अनेक दिग्गज नेतेही उपस्थित राहणार आहेत.

  6 वर्षांपूर्वी
• 

  भाजपा खासदार शत्रुघ्न सिन्हा यांचा काँग्रेसमध्ये प्रवेश

  भारतीय जनता पक्षाचे विद्यमान खासदार आणि बॉलिवूडचे ज्येष्ठ कलाकार शत्रुघ्न सिन्हा यांनी आज नवी दिल्ली येथे काँग्रेसमध्ये जाहीर प्रवेश केला. मागील ५ वर्षात मोदी सरकारच्या कारभारावर त्यांनी वारंवार टीका केली होती. तसेच अनेकदा त्यांनी थेटपणे पंतप्रधान मोदींविरोधातही भाष्य केले होते. त्यामुळे ते भाजपापासून दुरावले होते. त्यातच भाजपाने त्यांचे लोकसभेचे तिकीटही कापल्याने अखेर त्यांनी काँग्रेसमध्ये प्रवेश करीत असल्याची घोषणा केली होती.

  6 वर्षांपूर्वी
• 

  नवरदेवाचं लग्नाच्या पत्रिकेतून मोदींना मतं देण्याचं आवाहन; निवडणूक आयोगाची कारवाई

  सध्या लोकसभा निवडणुकीचा प्रचार शिगेला पोहचलेला असताना भाजप आणि मोदी सार्थक देखील निरनिराळे फंडे अंमलात आणत आहे. त्याचाच भाग म्हणजे एका मोदी समर्थकाने स्वतःच्या लग्न पत्रिकेवर नरेंद्र मोदी म्हणजे भारतीय जनता पक्षाला मतदान करण्याचं आवाहन केलं आणि लग्न गडबडीतच निवडणूक आयोगाच्या कचाट्यात सापडला आहे. सदर इसम हा नगरचा असून फिरोज शेख असं त्याच नाव आहे. सुजय विखेंना मतदान करण्याचं त्याने लग्न पत्रिकेद्वारे आवाहन केलं होतं.

  6 वर्षांपूर्वी
• 

  भाजपच्या देशभर भाषणात भगवा आणि काश्मीरमध्ये जाहिरातीत हिरवा रंग

  लोकसभा निवडणुकीच्या अनुषंगाने देशभर हिंदुत्वाचा अजेंड्यावर लोकसभा निवडणूक लढणाऱ्या भाजपचा दुतोंडीपणा समोर आला आहे. नरेंद्र मोदी देशभर भाषणांमध्ये हिंदुत्व आणि पाकिस्तानच्या नावाने बोंब मारत असले तरी जम्मू काश्मीरमध्ये भाजपने प्रचारासाठी आणि प्रमोशनसाठी हिरवा रंग वापरणं पसंत केलं आहे.

  6 वर्षांपूर्वी
• 

  पाकिस्तानचं F-16 पडलंच नाही? अमेरिकन मासिक 'फॉरेन पॉलिसी'

  पाकिस्तानी हवाई दलाच्या ताफ्यातील सर्व एफ-16 हे अमेरिकन लढाऊ विमानं सुरक्षित असल्याचा दावा अमेरिकेच्याच एका प्रसिद्ध मासिकानं केल्याने खळबळ उडाली आहे. पाकिस्तानचं एफ-16 पाडल्याचा भारताचा दावा चुकीचा असू शकतो, असं ‘फॉरेन पॉलिसी’ या मासिकानं आपल्या वृत्तात म्हटलं आहे. विशेष म्हणजे अमेरिकन सुरक्षा अधिकाऱ्यांच्या हवाल्यानं मासिकानं हे वृत्त दिलं आहे. या प्रकरणाशी थेट संबंध असलेल्या २ उच्च अधिकाऱ्यांकडून मिळालेल्या माहितीवरुन वृत्त दिल्याचं मासिकानं स्पष्ट केलं आहे.

  6 वर्षांपूर्वी
• 

  VIDEO: चौकीदार व मेहुल चोक्सी एकाठिकाणी एकत्र होते हे राजनाथ सिंह यांना माहित नसावे?

  लोकसभा निवडणुकीच्या रणधुमाळीत सत्ताधारी आणि विरोधकांमध्ये आरोप-प्रत्यारोपांच्या फैरी झडत आहेत. त्यात केंद्रीय गृहमंत्री राजनाथ सिंह यांनी युपी’तील बुलंदशहर येथे भाषणामध्ये काँग्रेसवर जोरदार टीका केली. देशात काँग्रेसचं सरकार असेपर्यंत नीरव मोदी, विजय माल्या, मेहुल चोक्सी देशातून पळाले नाहीत. परंतु, त्यांना जेव्हा माहीत पडलं काँग्रेस सत्तेतून गेलं आणि सतर्क चौकीदाराचं सरकार देशात आलं तेव्हा त्यांनी भारत सोडून विदेशात पलायन केलं असा आरोप सिंह यांनी केला.

  6 वर्षांपूर्वी
• 

  मोदींच्या घरात करोडो रुपये, आयकर विभाग कारवाई करेल काय?

  लोकसभा निवडणुकीसाठी देशातील सर्वच पक्षाच्या उमेदवारांनी प्रचाराला जोरदार सुरवात केली आहे. दरम्यान सत्ताधारी आणि विरोधक यांच्यात आरोप-प्रत्यारोपांच्या फैरी झडण्यास सुरुवात झाल्याने आता प्रचार आणखी तीव्र होण्याची शक्यता आहे. यातच तामिळनाडूमधील द्रविड मुनेत्रा काझगम अर्थात (डीएमके) पक्षाचे प्रमुख एमके स्टॅलिन यांनी भारताच्या आयकर विभागाला थेट आव्हान देत पंतप्रधान मोदींवर निशाणा साधला आहे. जर आयकर विभागाने नरेंद्र मोदी यांच्या घरी छापे टाकावेत, असे एमके स्टॅलिन यांनी म्हटले आहे.

  6 वर्षांपूर्वी
• 

  भारतीय लष्कराला ‘मोदींची सेना’ म्हणणारेच देशद्रोही: माजी लष्करप्रमुख व भाजप नेते व्ही.के.सिंग

  भारतीय लष्कर ही ‘मोदी यांची सेना’ आहे, असे धक्कादायक वक्तव्य करणारे युपीचे मुख्यमंत्री योगी आदित्यनाथ यांना माजी लष्करप्रमुख आणि सध्या केंद्रीय मंत्री असलेले जनरल व्ही.के.सिंग यांनी चांगलीच चपराक दिली आहे. भारतीय लष्कराला मोदींची सेना म्हणणे पूर्णपणे चुकीचे असून, अशाप्रकारे भारतीय सैन्याचा अपमान करणारेच देशद्रोही असल्याचे सिंग यांनी म्हटले आहे.

  6 वर्षांपूर्वी
• 

  राहुल गांधी यांच्या रोड शोला तुफान जनसागर

  केरळमधील वायनाड मतदारसंघातून लोकसभा निवडणुकीसाठी गुरुवारी उमेदवारी अर्ज दाखल केल्यानंतर काँग्रेसचे अध्यक्ष राहुल गांधी व सरचिटणीस प्रियांका गांधी यांच्यासमवेत येथे गुरुवारी केलेल्या रोडशोला जनतेचा तुफान प्रतिसाद मिळाला. दरम्यान या रोड शोमध्ये केरळचे माजी मुख्यमंत्री ओमेन चंडी, विधानसभेतील विरोधी पक्षनेते रमेश चेन्नितेला यांची देखील विशेष उपस्थिती होती. तसेच या रोडशोदरम्यान काँग्रेस पदाधिकारी, कार्यकर्ते आणि सामान्य नागरिकांच्या वाढत्या गर्दीमुळे सुरक्षा रक्षकांची मोठी तारांबळ उडाल्याचे पाहायला मिळाले. राहुल आणि प्रियांका गांधी जनतेला अभिवादन करत होते. राहुल गांधी यांनी रोड शोमध्ये सामील झालेल्या अनेकांशी पुढे येऊन हस्तांदोलन केले.

  6 वर्षांपूर्वी
• 

  भाजपाच्या विचारधारेशी असहमत असणारे लोक देशविरोधी नाहीत: आडवाणी

  आमच्या विचारांशी असहमत असलेले कोणीही असोत पण ते देशविरोधी नाहीत असे भारतीय जनता पक्षाचे ज्येष्ठ नेते लालकृष्ण आडवाणी यांनी म्हटले आहे. जे आमच्या म्हणजेच भारतीय जनता पक्ष आणि राष्ट्रीय स्वयंसेवक संघाच्या विचारांशी सहमत नसलेले लोक देशविरोधी नाहीत, असंही त्यांनी स्पष्ट म्हटलं आहे. भारतीय जनता पक्षाच्या स्थापना दिवसानिमित्त त्यांनी एक ब्लॉग लिहिला आहे. त्याद्वारे त्यांनी स्वतःची सविस्तर भूमिका मांडली आहे.

  6 वर्षांपूर्वी
• 

  देशद्रोह म्हणजे नेमकं काय हे तुम्हाला कळतं का? न्यायाधीशांचा दिल्ली पोलिसांना प्रश्न

  जवाहरलाल नेहरु विद्यापीठात ‘पाकिस्तान झिंदाबाद’च्या घोषणा देण्यात आल्या नव्हत्या, असं दंडाधिकाऱ्यांनी अहवालात म्हटलं आहे. विशेष म्हणजे संबंधित व्हिडीओ छेडछाड करण्यात आलेली होती, असंदेखील या अहवालात नमूद करण्यात आलं आहे. सदर अहवाल दिल्ली सरकारला आज सादर केला जाऊ शकतो. एकूण २५ पानांच्या या अहवालात जेएनयूमध्ये घडलेल्या संपूर्ण घटनांचा क्रम देण्यात आलेला आहे.

  6 वर्षांपूर्वी