प्रभावशाली व्यक्तींमध्ये बांगलादेशच्या पंतप्रधान, पण मोदींना स्थान नाही

मुंबई : २०१७ साली ‘टाइम’च्या जगभरातील प्रभावशाली व्यक्तींच्या यादीत मोदींच्या नावाचा समावेश होता. परंतु उन्नाव – कठुआ – सुरत बलात्कार प्रकरण, जीएसटी – नोटाबंदी यांसारख्या अनेक कारणांमुळे देशातील वातावरण खूपच तापलं आहे आणि याचा परिणाम मोदींच्या प्रतिमेवर होत असल्याचं म्हटलं जात आहे.

‘टाइम’ मासिकाने २०१८ मधील जगात सर्वात प्रभावशाली १०० व्यक्तींची यादी जाहीर केली आहे. परंतु देशात आणि जगात बोलबाला असण्याच्या मोदींच्या चाहत्यांना धक्का बसला आहे. कारण ‘टाइम’ ने घोषित केलेल्या जगातील १०० प्रभावशाली व्यक्तींच्या यादीत भारताचे पंतप्रधान नरेंद्र मोदींचा समावेशच नाही. ‘टाइम’ मासिकाने २०१८ मधील जगात सर्वात प्रभावशाली १०० व्यक्तींच्या यादीतून मोदींना वगळण्यात आलं आहे.

नरेंद्र मोदी यांचा जागतिक प्रभाव उन्नाव, कठुआ, सुरत बलात्कार प्रकरण, जीएसटी, नोटाबंदी यांसारख्या अनेक कारणांमुळे कमी झाल्याचे बोलले जात आहे. २०१७ मधील जागतिक प्रभावशाली व्यक्तींच्या यादीत नरेंद्र मोदींबरोबर अमेरिकेचे राष्ट्राध्यक्ष डोनाल्ड ट्रम्प, उत्तर कोरियाचा हुकूमशहा किम जाँग उन, चीनचे राष्ट्राध्यक्ष क्षी जिंगपिंग यांचा समावेश होता. परंतु दुःखाची गोष्ट ही आहे की, मोदी वगळता त्या सर्व जागतिक नेत्यांची नाव २०१८ मधील प्रभावशाली व्यक्तींच्या यादीत यंदा सुद्धा आहेत.

‘टाइम’ ने घोषित केलेल्या २०१८ मधील जागतिक प्रभवाशाली व्यक्तींच्या यादीत ब्रिटनचं प्रिन्स हॅरी, सौदीचे क्राऊन प्रिन्स मोहम्मद बिन सलमान, जपानचे पंतप्रधान शिंझो आबे, फ्रान्सचे राष्ट्राध्यक्ष इमॅन्यूअल मॅक्रोन, बांगलादेशच्या पंतप्रधान शेख हसिना, कॅनडाचे पंतप्रधान जस्टीन ट्रुडो यांच्याही नावाचा समावेश आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.