अजब ! हाथरस गँगरेप घटना उत्तर प्रदेशातील | RPI'चं आंदोलन मुंबईत

मुंबई, ३० सप्टेंबर : हाथरस सामूहिक बलात्कार आणि पीडितेच्या मृत्यूनंतर तिच्या कुटुंबीयांना पोलिसांकडून देण्यात आलेली वागणूक समोर आल्यानंतर जनतेचा आक्रोश बाहेर पडताना दिसतोय. त्यामुळे हाथरस शहरात तणावाचं वातावरण दिसून येतंय. दुसरीकडे या घटनेनंतर विरोधकांनी मुख्यमंत्री योगी आदित्यनाथ यांना निशाण्यावर घेतलंय.

दुसरीकडे सदर प्रकरणावर कोणतंही भाष्य न करता बॉलिवूडच्या अंतर्गत भानगडीत व्यस्त असल्याचं रामदास आठवलेंना सर्वानी पाहिलं आणि त्यांच्यावर चारही दिशेने टीकेचा भडीमार होऊ लागला आणि त्यानंतर सदर प्रकरणात त्यांनी भाष्य केलं आहे. हाथरसमधील पीडित दलित मुलीवर झालेल्या अमानुष अत्याचाराच्याविरोधात 1 ऑक्टोबर दुपारी 1 वाजता आझाद मैदान मुंबई येथे रिपब्लिकन पक्षातर्फे निषेध आंदोलन करण्यात येणार असून 2 ऑक्टोबरला हाथरसमधील पीडित मृत दलित मुलीच्या कुटुंबियांची सांत्वनपर भेट आरपीआयचे राष्ट्रीय अध्यक्ष आणि केंद्रीय सामाजिक न्याय राज्यमंत्री रामदास आठवले घेणार आहेत.

हाथरस मधील पीडित दलित मुलीवर झालेल्या अमानुष अत्याचाराच्या विरुद्ध दि.1 ऑक्टोबर दुपारी 1 वाजता आझाद मैदान मुंबई येथे रिपब्लिकन पक्षातर्फे निषेध आंदोलन करण्यात येणार आहे.

— Dr.Ramdas Athawale (@RamdasAthawale) September 30, 2020

दि.2 ऑक्टोबर ला हाथरस मधील पीडित दिवंगत दलित मुलीच्या कुटुंबियांची सांत्वनपर भेट घेणार

— Dr.Ramdas Athawale (@RamdasAthawale) September 30, 2020

दरम्यान बहुजन समाज पार्टीच्या (बसपा) अध्यक्षा मायावती यांनी या घटनेचा निषेध केला होता. उत्तर प्रदेशात कोणत्याही समाजातील कोणतीही महिला सुरक्षित नसल्याचे सांगत राज्य सरकारने त्याकडे लक्ष देण्यास सांगितले. तसेच पोलिसांनी परस्पर पीडित मुलीच्या कुटुंबियांना विश्वासात न घेता काल मध्यरात्री २.३० वाजताच्या सुमारास मुलीवर अंत्यसंस्कार केल्याने अजून प्रकरण चिघळण्याची शक्यता आहे.

News English Summary: A protest agitation will be organized by the Republican Party at Azad Maidan, Mumbai on October 1 at 1 pm against the inhuman atrocities committed on a Dalit girl victim in Hathras. On October 2, RPI National President and Union Minister of State for Social Justice Ramdas Athavale will pay a condolence visit to the families of the victim Dalit girl victim in Hathras.

News English Title: Protest agitation will be organized by the Republican Party at Azad Maidan after Hathras gangrape Marathi News LIVE latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.