VIDEO | आंदोलक शेतकऱ्यांच्या संतापाचा कडेलोट | भाजप आमदाराला नग्न करून चोप

चंदीगड, २८ मार्च: मोदी सरकारच्या ३ कृषी कायद्यांना विरोध करत दिल्लीत शेतकरी आंदोलन करीत आहे. मागील कित्येक महिन्यांपासून दिल्लीच्या सीमेवर आंदोलन सुरू असून, सध्या शेतकऱ्यांच्या संताप अनावर होताना दिसत आहे. शेतकऱ्यांच्या एका गटाने भारतीय जनता पक्षाच्या आमदारावर हल्ला केला. विशेष म्हणजे त्यांचे कपडेही फाडत चोप देण्याचा प्रयत्न देखील झाला. संतापलेल्या शेतकऱ्यांच्या तावडीतून सुटका करत पोलिसांनी त्यांना सुरक्षित ठिकाणी नेले. हा सर्व प्रकार कॅमेऱ्यात रेकॉर्ड झाला आहे.

मागील काही महिन्यांपासून पंजाबमधील भारतीय जनता पक्षाचे नेते शेतकऱ्यांच्या रोषाचा सामना करताना दिसत आहे. त्यातच आता पंजाबमधील मुक्तसर जिल्ह्यातील मलोटमध्ये शेतकऱ्यांच्या गटाने भारतीय जनता पक्षाच्या आमदाराला निशाणा बनल्याचा प्रकार समोर आला आहे. भारतीय जनता पक्षाचे आमदार अरुण नारंग यांच्यावर शेतकऱ्यांनी हल्ला केल्याची घटना शनिवारी घडली.

झालं असं की, अबोहरचे आमदार नारंग हे शनिवारी स्थानिक नेत्यांसह मलोटमध्ये पत्रकार परिषदेसाठी आले होते. त्यावेळी त्यांना आंदोलक शेतकऱ्यांनी घेराव घातला. स्थानिक वृत्तपत्रांनी दिलेल्या माहितीनुसार, भाजपा आमदार अरुण नारंग राज्य सरकार विरोधात पत्रकार परिषद घेण्यासाठी शनिवारी मलोट येथे आले होते. मात्र ते येण्याच्या आधीपासूनच संतप्त भाजपा कार्यालयात त्यांची वाट पाहत होते. नारंग आपल्या कारने या ठिकाणी पोहचताच शेतकऱ्यांनी त्यांच्याभोवती गर्दी केली आणि त्यांच्यावर शाई फेकली. यावेळी शेतकऱ्यांनी त्यांच्या कारलाही काळं फासलं आहे. अखेर पोलिसांनी यामध्ये हस्तक्षेप करत आमदार अरुण नारंग यांना शेतकऱ्यांच्या गर्दीतून बाहेर काढलं. अरुण नारंग पंजाबमधील अबोहरमधून भाजपा आमदार आहेत.

News English Summary: Farmers are protesting in Delhi against the Modi government’s 3 agricultural laws. The agitation has been going on on the Delhi border for the last several months and now the farmers are getting angry. A group of farmers attacked a BJP MLA. What is special is that there was an attempt to tear his clothes and give him a beating. The police rescued the angry farmers and took them to safety. It’s all kind of recorded on camera.

News English Title: Protesting farmers thrash BJP MLA Arun Narang tear his clothes news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.