पंजाबमध्ये कोरोनाचा प्रादुर्भाव वाढताच शनिवार-रविवार, सुट्टीच्या दिवशी लॉकडाऊन

अमृतसर, १२ जून: पंजाबमधील कोरोना विषाणूचा वाढता प्रादुर्भाव आणि संकट पाहून सरकारने कडक पाऊल उचलले आहे. पंजाब सरकारने पुन्हा कोरोनापासून सुरक्षित राहण्यासाठी लॉकडाऊन जाहीर केले आहे. परंतु हे लॉकडाऊन-१ या प्रमाणे इतके कठोर असणार नाही.

सरकारने जारी केलेल्या आदेशानुसार पंजाबमध्ये शनिवार आणि रविवार तसेच सार्वजनिक सुटीच्या दिवशी संपूर्ण लॉकडाऊन असेल. म्हणजेच शनिवार आणि रविवार तर सरकारी सुट्टीच्या दिवशी दुकाने उघडली जाणार नाहीत. याशिवाय राज्यात वाहतुकीवरही बंदी घालण्यात आली आहे.

पंजाबचे मुख्यमंत्री अमरिंदर सिंग यांनी आठडयाच्या अखेरीस आणि सार्वजनिक सुट्टीच्या दिवशी निर्बंध अधिक कठोर करण्याचे आदेश दिले आहेत तसेच ईपास धारकांनाच प्रवासाची परवानगी दिली आहे. वैद्यक क्षेत्र आणि अत्यावश्यक सेवेतील कर्मचारी वगळता सर्वांना ईपास डाऊनलोड करण्यास सांगण्यात आले आहे.

दिल्लीहून पंजाबमध्ये येणाऱ्या प्रत्येकाची करोना चाचणी बंधनकारक करण्याचा पंजाब सरकारचा विचार आहे. दिल्लीहून पंजाबमध्ये दररोज ७०० ते ८०० गाडया येतात. चेन्नईमधील वाढत्या रुग्ण संख्येवर मंगळवारी मद्रास उच्च न्यायालयाने चिंता व्यक्त केली. एकटया चेन्नई शहरामध्ये का लॉकडाउन केले जाऊ शकत नाही? असा सवाल मद्रास उच्च न्यायालयाने गुरुवारी तामिळनाडू सरकारला विचारला.

News English Summary: The government has taken stern action in view of the growing outbreak and crisis of Corona virus in Punjab. The Punjab government has again announced a lockdown to stay safe from Corona. But it won’t be as severe as Lockdown-1.

News English Title: Punjab state imposes- complete lockdown on weekends and public holidays News Latest Updates.