अद्यापही मी काँग्रेसमध्येच, भाजपमध्ये प्रवेश करणार नाही - सचिन पायलट

नवी दिल्ली, १५ जुलै : राजस्थानच्या उपमुख्यमंत्री आणि प्रदेशाध्यक्षपदावरून काढून टाकल्यानंतर सचिन पायलट हे भाजपमध्ये प्रवेश करतील अशी चर्चा असताना काँग्रेसचे बंडखोर सचिन पायलट यांनी, मी भाजपमध्ये जाणार नसल्याचं म्हटलं आहे. सचिन पायलट यांच्यासह 19 आमदारांना विधानसभा सदस्यत्व रद्द करण्यासाठी सभापतींच्या वतीने नोटीस पाठविण्यात आली असून 17 जुलैपर्यंत आपली भूमिका घेण्यास सांगितले आहे.

सचिन पायलट यांना उपमुख्यमंत्री आणि राजस्थान प्रदेश काँग्रेस कमिटीच्या अध्यक्ष पदावरून हटविल्यानंतर एनएसयूआयचे प्रदेशाध्यक्ष अभिमन्यू पुनिया यांनीही मंगळवारी पदाचा राजीनामा दिला. पुनिया म्हणाले की, ताज्या घडामोडींच्या निषेधार्थ युवा काँग्रेस, नॅशनल स्टुडंट्स युनियन ऑफ इंडिया (एनएसयूआय) आणि सेवा दलातील विविध पदांचा अनेक सदस्यांनी राजीनामा दिला आहे.

“आपण अद्यापही काँग्रेसमध्ये असून पुढे काय करायचं याचा निर्णय समर्थकांशी चर्चा करुनच घेतला जाईल,” असं सचिन पायलट यांनी सांगितलं आहे. भाजपामध्ये प्रवेश करणार का ? असं विचारण्यात आलं असता सचिन पायलट यांनी आपण असा कोणताही निर्णय घेतला नसल्याचं स्पष्ट केलं. आपण लोकांसाठी काम करत राहणार असल्याचं त्यांनी सांगितलं आहे.

सचिन पायलट यांनी काँग्रेसमधून भाजपात गेलेल्या ज्योतीरादित्य शिंदे तसंच इतर काही नेत्यांची भेट घेतल्याची चर्चा होती. यावर बोलताना सचिन पायलट यांनी, आपण कोणत्याही भाजपा नेत्याची भेट घेतली नसून ज्योतीरादित्य शिंदे यांना गेल्या सहा महिन्यांपासून भेटलो नसल्याचं सांगितलं आहे. आपण कोणत्याही भाजपा नेत्याच्या संपर्कात नसल्याचं सचिन पायलट यांनी म्हटंलं आहे.

News English Summary: While there is talk that Sachin Pilot will join the BJP after being removed from the post of Deputy Chief Minister and State President of Rajasthan, Congress rebel Sachin Pilot has said that he will not join the BJP.

News English Title: Rajasthan Political Crisis Sachin Pilot On Joining BJP News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.