पी. चिदंबरम यांना सुप्रीम कोर्टाचा दणका, जामीन अर्ज फेटाळला

नवी दिल्ली : आयएनएक्स मीडिया गैरव्यवहार (INX Media) प्रकरणी माजी केंद्रीय अर्थमंत्री पी. चिदंबरम यांना सुप्रीम कोर्टानं झटका दिला आहे. कोर्टानं चिदंबरम यांचा अटकपूर्व जामीन अर्ज फेटाळला आहे. यामुळे आता ईडीकडून त्यांना कधीही अटक केली जाऊ शकते. आज दुपारपर्यंत चिदंबरम यांना अटक होण्याची शक्यता वर्तवली जात आहे. चिदंबरम यांच्याविरोधात ठोस पुराव असल्याचा दावा ईडीनं केला आहे.

यावेळी सुप्रीम कोर्टाने चिदंबरम यांना ट्रायल कोर्टात नियमित जामिनासाठी अर्ज करु शकता असं सांगितलं आहे. आयएनएक्स मीडिया प्रकरणी सीबीआय तपास करत आहेत. सीबीआयबरोबरच सक्तवसुली संचलनालयाकडूनदेखील या प्रकरणाची चौकशी सुरु आहे.

सुप्रीम कोर्टाने अर्ज फेटाळताना सांगितलं आहे की, “प्राथमिक स्तरावर अटकपूर्व जामीन देणे तपासात अडथळा आणू शकतं. अटकपूर्व जामीन देण्यास मान्यता देण्यासाठी हे योग्य प्रकरण नाही. आर्थिक गुन्हे गंभीर असून त्यांना वेगळ्या पद्धतीने हाताळण्याची गरज आहे,”.

Supreme Court says, “Granting anticipatory bail at the initial stage may frustrate the investigation….It’s not a fit case to grant anticipatory bail. Economic offences stand at different footing and it has to be dealt with different approach.” https://t.co/L3j8ET8a6i

— ANI (@ANI) September 5, 2019

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.