त्या तबलिगीकडून महिला वैद्यकीय कर्मचाऱ्यांबरोबर अश्लील कृत्य; मुद्दाम नग्न फिरत आहेत

नवी दिल्ली, ३ एप्रिल: दिल्लीतील निजामुद्दीन येथील मरकजमधून निघालेले तबलिगी जमातीचे लोक देशातील अनेक भागात कोरोना विषाणूचे संक्रमण करण्यासाठी जबाबदार धरले जात आहेत. आता या लोकांनी वैद्यकीय कर्मचाऱ्यांबरोबर गैरवर्तणूक केल्याचे नवे प्रकरण समोर आले आहे. गाझियाबाद येथील एमजीएम रुग्णालयात क्वारंटाइनमध्ये ठेवलेल्या जमातीतील १३ रुग्णांनी महिला वैद्यकीय कर्मचाऱ्यांबरोबर अश्लील कृत्य केल्याचा आरोप करण्यात आला आहे. हे लोक विवस्त्र फिरत आहेत. त्यामुळे महिला नर्स आणि इतर लोकांना मोठ्या अडचणीचा सामना करावा लागत असल्याचे तक्रारीत म्हटले आहे.

रुग्णालयाच्या मुख्य वैद्यकीय अधिकाऱ्यांनी कोतवाली ठाण्यात याबाबत तक्रार दाखल केली आहे. गाझियाबादचे पोलिस अधिकारी कलानिधी नैथानी यांनी पीडित व्यक्तींचा जबाब नोंदवून घेतल्याचे सांगत याबाबत निष्पक्ष चौकशीचे आदेश दिल्याचे म्हटले. तर जिल्हाधिकारी अजयशंकर पांडे यांनी कोरोना विषाणूवरील उपचारासाठी झटत असलेल्या कर्मचाऱ्यांबरोबरील गैरवर्तणूक सहन केली जाणार नसल्याचे म्हटले आहे.

दरम्यान, देशामध्ये कोरोनाचा संसंर्ग झालेल्यांची संख्या २५६६ वर पोहोचली आहे. त्यापैकी १९१ लोक कोरोनामुक्त झाले आहेत. तर ५३ लोकांना आपले प्राण गमवावे लागले आहेत. मागील २४ तासांमध्ये ३२८ नवी रूग्ण समोर आले आहेत. महाराष्ट्रात ३३९, केरळमध्ये २८६, तामिळनाडूमध्ये ३०९, दिल्लीमध्ये २१९, आंध्र प्रदेशमध्ये १३५, राजस्थानमध्ये १३३, तेलंगणामध्ये १२७, कर्नाटकामध्ये १२१, उत्तरप्रदेशमध्ये १२१, मध्यप्रदेशात ९८ रूग्ण आढळून आले आहेत.

News English Summary: The people of the Tablighi tribe, departing from Merkaz in Nizamuddin, Delhi, are being blamed for transmitting the corona virus in many parts of the country. Now a new case has emerged that these people have abused the medical staff. At least 13 patients belonging to Quarantine were kept in quarantine at MGM Hospital in Ghaziabad. These people are walking around naked. As a result, the complaint states that female nurses and other people face major problems.

News English Title: Story Corona virus quarantined jamaat people misbehave vulgar behave with nurse walking without pants in front of women staff in Ghaziabad News Latest Updates.