मोदीजी सरकार पाडण्यात तुम्ही व्यस्त, पण त्याचवेळी एका गोष्टीकडे दुर्लक्ष केले...

नवी दिल्ली: मध्य प्रदेशमध्ये गेल्या काही दिवसांपासून राजकीय घडामोडींना वेग आला आहे. त्यातच काँग्रेस नेते ज्योतिरादित्य शिंदे यांनी मंगळवारी पक्ष सदस्यत्वाचा राजीनामा दिला. नरेंद्र मोदी यांची भेट घेतल्यानंतर त्यांचे राजीनाम्याचे पत्र समोर आले. ज्योतिरादित्य शिंदे बुधवारीच भाजपमध्ये प्रवेश करणार असल्याची माहिती मिळाली आहे.

मध्यप्रदेशात काँग्रेस सरकारवर आलेल्या ज्योतिरादित्य संकटामुळे मुख्यमंत्री कमलनाथ यांचं सरकार अडचणीत आलं आहे. काँग्रेसचे नेते ज्योतिरादित्य शिंदे यांनी काँग्रेसचा राजीनामा दिल्यानंतर त्याचे समर्थक असलेल्या काँग्रेसच्या २२ आमदारांनी सुद्धा मुख्यमंत्री कलनाथ यांच्याकडे राजीनामे सोपवले. यामुळे सरकार अल्पमतात आलं आहे. काँग्रेस श्रेष्ठींनी ज्योतिरादित्य शिंदे यांचा राजीनामा मंजूर करताच त्यांनी नवी दिल्लीत पंतप्रधान नरेंद्र मोदी आणि केंद्रीय गृहमंत्री अमित शहा यांची भेटही घेतली. यानंतर मध्यप्रदेशात राजकीय घडामोडींना वेग आला आहे. पण सरकार अल्पमतात आहे हे मान्य करायला कमलनाथ मात्र तयार नाहीत.

दरम्यान, मध्य प्रदेशमधील राजकीय घडामोडींच्या पार्श्वभूमीवर काँग्रेस नेते राहुल गांधी यांनी बुधवारी सकाळी एक ट्विट करून पंतप्रधान नरेंद्र मोदी यांना टोमणा मारला. मध्य प्रदेशमधील लोकांनी निवडून दिलेले सरकार अस्थिर करण्यात पंतप्रधान व्यग्र असताना जागतिक बाजारात कच्च्या तेलाचे दर ३५ टक्क्यांनी घसरले आहेत. या घसरणीचा फायदा सामान्य लोकांना मिळवून द्या. पेट्रोल, डिझेलचे दर कमी करा, अशी मागणी त्यांनी केली.

Hey @PMOIndia , while you were busy destabilising an elected Congress Govt, you may have missed noticing the 35% crash in global oil prices. Could you please pass on the benefit to Indians by slashing #petrol prices to under 60₹ per litre? Will help boost the stalled economy.

— Rahul Gandhi (@RahulGandhi) March 11, 2020

राहुल गांधी यांच्या ट्विटमध्ये म्हटले आहे की, लोकांनी निवडून दिलेले सरकार पाडण्यात तुम्ही व्यग्र आहात. पण याचवेळी तुम्ही एका गोष्टीकडे दुर्लक्ष केले आहे. जागतिक बाजारात कच्च्या तेलाचे दर ३५ टक्क्यांनी घसरले आहेत. याच घसरणीचा फायदा तुम्ही सामान्यांना देणार आहात का, पेट्रोल दर ६० रुपयांपर्यंत खाली आणणार आहात का, त्याचा अर्थव्यवस्थेला उभारी मिळण्यास फायदाच होईल, असे राहुल गांधी यांनी म्हटले आहे.

News English Summery: In Madhya Pradesh, political dramatic developments have accelerated. The political upheaval that started yesterday is still visible today. After Jyotiraditya Shinde’s resignation, everyone is eager for Rahul Gandhi’s response. Former Congress President Rahul Gandhi has reacted to the backdrop of political developments in Madhya Pradesh after nearly two hours. Rahul Gandhi has targeted the Modi government through a tweet. Rahul Gandhi, who addressed Prime Minister Modi, said that when you were busy destabilizing the Congress-elected government, you did not notice a 35 percent decline in crude oil prices globally. Can you reduce the petrol price by Rs 60 per liter and give it to the citizens of the country? This will strengthen the country’s stagnant economy.

Web News Title: Story Modiji while you were busy destabilizing an elected congress government you may have missed this says congress leader Rahul Gandhi.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.