मोदींचं अरुण गोयल यांच्या फेक अकाउंटला उत्तर; कोरोनाविरुद्ध लढ्याला शक्ती मिळाली

मुंबई, ०८ एप्रिल: लॉकडाऊनमुळे अरुण गोविल यांची प्रमुख भूमिका असलेली ‘रामायण’ टीव्ही मालिका दूरदर्शनवर प्रसारित केली जातं आहे. त्यामुळे लोकांना टीव्हीवर पुन्हा एकदा भगवान राम पाहायला मिळत आहेत. या मालिकेला आजही मिळत असलेल्या प्रतिसादामुळे अरुण गोविल देखील भारावून गेले आहेत. मात्र अरुण गोविल यांच्या वाढत्या लोकप्रियतेमुळे समाज माध्यमांवर त्यांच्या नावाने फेक अकाउंट देखील उघडण्यात आलं आहे. मात्र त्यानंतर जो प्रकार घडला आहे त्यातून हसावं की रडावं असा प्रश्न उपस्थित होऊ लागला आहे.

काही दिवसांपूर्वीच रामायणाची चर्चा होताच एका फेक युजरने अरूण गोविल यांचे फेक ट्विटर अकाऊंट बनवून टाकले. ‘अखेर मी ट्विटरवर आलोय… जय श्रीराम’ असे ट्विट @TheArunGovil नामक फेक ट्विटर हँडलवरून केले गेले. साक्षात ‘राम’ ट्विटरवर आलेले बघून ट्विटर युजर कमालीचे उत्साहित झाले आणि बघता बघता या अकाऊंटवर फॉलोअर्सची संख्या वाढू लागली. यानंतर या फेक ट्विटर अकाऊंटवर अरूण गोविल यांचा एक व्हिडीओही अपलोड केला गेला. विशेष म्हणजे, हा व्हिडीओ अपलोड करताना पीएम मोदी यांनाही टॅग केले गेले.

त्यानंतर खुद्द पंतप्रधान मोदीही या अकाऊंटला पाहून फसले. त्यांनी हे ट्विट अरूण गोविल यांचेच समजून त्यांचे आभार मानलेत. ‘तुमचा हा संदेश कोरोनाविरूद्ध सुरु असलेल्या लढाईच्या संकल्पाला आणखी बळ देईल,’असे मोदींनी लिहिले. अरूण गोविल यांना हे समजल्यावर त्यांनी मोदींचे आभार मानलेत. पण सोबत माझे अधिकृत ट्विटर अकाऊंट @ArunGovil12 या नावाने आहे, याचाही खुलासा केला. तेव्हा कुठे फेक युजरने गोविल यांचे फेक अकाऊंट डिलीट केले.

फेक अकाऊंटचा असा पर्दाफाश झाल्यानंतर अरूण गोविल यांनी एक व्हिडीओ जारी करून, स्वत:च्या अधिकृत अकाऊंटबद्दल माहिती दिली. माझ्या नावाने बनावट सोशल अकाऊंट बनवले जात आहेत. कृपया असे करू नका, अशी विनंती त्यांनी या माध्यमातून केली.

हे आहे अरुण गोविल यांचं ओरिजनल ट्विटर अकाउंट

News English Summary: Due to the lock down, the ‘Ramayana’ TV series featuring Arun Govil is being broadcast on television. So people are getting to see Lord Ram again on TV. Arun Govil has also been overwhelmed by the response he has received to this series. However, due to the growing popularity of Arun Govil, a fake account has also been opened in his name on social media. But after that, the question of whether to laugh or to weep from the kind that has happened has started to arise.

News English Title: Story Ramanand Sagar Ramayan Prabhu Ram PM Narendra Modi tweeted fake account actor Arun Govil Covid19 News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.