कोरोनाच्या तिसऱ्या लाटेत जर मुलांवर परिणाम झाला, तर केंद्र सरकारकडून कोणती तयारी? - सुप्रीम कोर्ट

नवी दिल्ली, ०६ मे : देशातील कोरोना बाधितांचा आकडा दिवसेंदिवस वाढत असून, मृतांच्या संख्येतही वाढ होत आहे. कोरोनाच्या या दुसऱ्या लाटेने गंभीर रूप धारण केलेलं असताना ऑक्सिजन, रेमडेसिवीर, बेड्स आणि लस अशा सगळ्या आवश्यक घटकांची वानवा आहे. इतकी कठीण परिस्थिती असूनही,का ही ठिकाणी बऱ्या होणाऱ्या रुग्णांची संख्या थोडी तरी वाढू लागल्याने येत्या काही दिवसांत लाट ओसरण्याचा अंदाज व्यक्त केला जात आहे. मात्र तरीही सुटकेचा निश्वास सोडण्यासारखी परिस्थिती अद्याप आलेली नाही. कारण लवकरच कोरोना संसर्गाची तिसरी लाटही येण्याचा अंदाज काही तज्ज्ञांनी वर्तवला आहे. कोरोनाची तिसरी लाट येण्याबद्दल अनेक तज्ज्ञांमध्ये एकमत आहे मात्र ती केव्हा येणं अपेक्षित आहे, याबद्दल नेमका अंदाज बांधलेला नाही.

संपूर्ण देशातच कोरोनाने हाहाकार माजवला आहे. देशाच्या राजधानीलाही कोरोनाचा मोठा फटका बसत आहे. याच पार्श्वभूमीवर आज पुन्हा एकदा सुप्रीम कोर्टात राजधानी दिल्लीतील ऑक्सिजन संकट आणि कोरोना स्थितीवर सुनावणी झाली. यावेळी, सुप्रीम कोर्टाने कोरोनाच्या तिसऱ्या लाटेसंदर्भातही चिंता व्यक्त केली असून त्यासाठी आतापासूनच तयारी करण्यावर भर दिला आहे.

सुनावणीदरम्यान जस्टिस चंद्रचूड म्हणाले, जर उद्या परिस्थिती बिघडलीच आणि कोरोना रुग्ण वाढले तर, तर आपण काय कराल. रिपोर्ट्समध्ये म्हणण्यात आले आहे, की तिसऱ्या लाटेत मुलांवरही परिणाम होऊ शकतो. सुप्रीम कोर्टाने म्हटले आहे, तिसऱ्या लाटेत काय करायला हवे, याची तयारी आताच करावी लागेल. तरुणांचे लसीकरण करावे लागेल. जर मुलांवर त्याचा परिणाम झाला, तर कसे सांभाळाल, कारण मुलं तर स्वतः रुग्णालयात जाऊ शकत नाही.

News English Summary: The third wave can affect children as well. The Supreme Court has said that what needs to be done in the third wave has to be prepared now. Young people need to be vaccinated. If it affects children, how will you take care of it, because children cannot go to the hospital on their own.

News English Title: Supreme court asked union govt about third wave of corona news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.