भाजपच्या रॅलीमध्ये ७२ हजार LED स्क्रीन्स, तब्बल १४४ कोटी खर्च, असा दिला हिशेब

नवी दिल्ली, ८ जून : लॉकडाऊनसारखा उपाय योजल्यानंतरही देशातील कोरोनाग्रस्तांची संख्या मोठ्या प्रमाणात वाढत असल्याने विरोधकांकडून मोदी सरकारवर जोरदार टीका करण्यात येत आहे. त्या पार्श्वभूमीवर आज भाजप नेते आणि केंद्रीय गृहमंत्री अमित शाह यांनी विरोधकांना जोरदार प्रत्युत्तर दिले आहे. कोरोनाशी लढण्यात आमच्याकडून काही चुका झाल्या असतील. पण विरोधकांनी सांगावे, त्यांनी काय केलंय ते, असे आव्हान अमित शाह यांनी विरोधकांना दिले आहे.

यावेळी अमित शाह म्हणाले की, काँग्रेसने भ्रष्टाचार आणि लांगूलचालनाचे राजकारण केले. मात्र मोदी जेव्हा पंतप्रधान झाले तेव्हा त्यांनी आपले सरकार हे गरीब, आदिवासी आणि दलितांचे सरकार असेल, असे सांगितले होते. मोदी जे बोलतात, ते करून दाखवतात. दरम्यान, मोदींनी साठ कोटींहून अधिक गरिबांचे जीवनमान उंचवावे यासाठी खूप मोठे काम केले. तसेच रामजन्मभूमीचा प्रश्न मोदी सरकारने न्यायालयात अचूक बाजू मांडल्याने सुटल्याचा दावाही अमित शाह यांनी केला.

दरम्यान, देशावर करोनाचं संकट ओढवलं आहे. तर दुसरीकडे काही राज्यातील विधानसभा निवडणुकाही जवळ येऊ लागल्या आहेत. बिहार आणि पश्चिम बंगालमध्ये लवकरच निवडणुका होणार आहेत. बिहार विधानसभा निवडणुकीच्या पार्श्वभूमीवर केंद्रीय गृहमंत्री अमित शाह यांनी व्हर्च्युअल रॅलीतून प्रचाराचा बिगुल फुंकला. आउटलूकनं सूत्रांच्या माहितीवरून दिलेल्या वृत्तानुसार शाह यांच्या या व्हर्च्युअल रॅलीसाठी भाजपानं तब्बल १०,००० मोठ्या एलईडी स्क्रीन बसवल्या होत्या. तर संपूर्ण राज्यात ५०,००० अधिक स्मार्ट टिव्हींची व्यवस्था करण्यात आली होती.

भाजपाच्या पहिल्या व्हर्च्युअल रॅलीवर झालेल्या खर्चावरून राजदचे नेते तेजस्वी यादव यांनी मोठा आरोप केला आहे. “प्रसारासाठी एका एलइडीचा खर्च सरासरी २०,००० इतका आहे. रॅलीमध्ये ७२ हजार एलईडी स्क्रीन लावण्यात आल्या होत्या म्हणजे तब्बल १४४ कोटी रूपये फक्त एलईडी स्क्रीनवर खर्च करण्यात आले. श्रमिक एक्स्प्रेसच्या भाड्यापोटी झालेले ६०० कोटी देण्यासाठी ना सरकार समोर आलं, ना भाजपा. यांची प्राथमिकता गरीब नाही, तर निवडणूक आहे,” असा आरोप तेजस्वी यादव यांनी केला आहे.

प्रचार के लिए एक LED स्क्रीन पर औसत ख़र्च 20,000₹. BJP की आज की रैली में 72 हज़ार LED स्क्रीन लगाए गये है मतलब 144 करोड़ सिर्फ़ LED स्क्रीन पर खर्च किए जा रहे है।

श्रमिक एक्सप्रेस का किराया 600₹ था वो देने ना सरकार आगे आयी और न ही BJP।

इनकी प्राथमिकता गरीब नहीं बल्कि चुनाव है https://t.co/Zc9TIrCx6E

— Tejashwi Yadav (@yadavtejashwi) June 7, 2020

News English Summary: RJD leader Tejaswi Yadav has made a big allegation about the expenses incurred on the first virtual rally of BJP. “The average cost of an LED for transmission is Rs 20,000. A total of 72,000 LED screens were installed at the rally, meaning that Rs 144 crore was spent on LED screens alone.

News English Title: Tejasvi Yadav Says Bjp Spend 144 Crore On Led Screen For Shah Rally News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.