नद्या, जंगलं संकटात आहेत; निसर्गाचा आदर करा ही तर बुद्धांची शिकवण – नरेंद्र मोदी

नवी दिल्ली, २६ मे | पंतप्रधान नरेंद्र मोदींनी बुधवारी बुद्ध पौर्णिमेच्या औचित्यावर वेसाक ग्लोबल सेलिब्रेशनमध्ये व्हर्चुअली संबोधन केले. यावेळी त्यांनी कोरोना महामारीवर भाष्य केले. ते म्हणाले की, ज्यांनी कोरोना महामारीत आपल्या जवळच्या व्यक्तीला गमावले, त्यांच्याबद्दल मी दुःख व्यक्त करतो. कोरोनाने संपूर्ण जगाला बदलून टाकले. आशा कठीण परिस्थितीत भगवान बुद्धांच्या आदर्शांवर चालण्याची गरज आहे.

हवामानात होणारे बदल, बदलती जीवनशैली पुढील पिढीसाठी धोकादायक आहे. हवामान पद्धतीत बदल होत असून धृवांवरील बर्फ वितळत आहे, नद्या, जंगलं संकटात आहेत. गौतम बुद्धांनी आपल्याला निसर्गाचा आदर करण्याची शिकवण दिली आहे असं नरेंद्र मोदींनी सांगितलं आहे. मला अभिमान वाटतो की भारत काही अर्थव्यवस्थांपैकी एक आहे जी शाश्वत विकासाच्या मार्गावर चालत आहे असंही ते म्हणाले आहेत.

वैशाख बौद्ध पोर्णिमेनिमित्त पंतप्रधान नरेंद्र मोदी यांनी व्हिडीओ कॉन्फरन्सच्या माध्यमातून संवाद साधला. यावेळी त्यांनी हवामान पद्दतीत बदल होत असून नद्या, जंगलं संकटात असल्याचा उल्लेख करत निसर्गाचा आदर करणं ही बुद्ध यांनी दिलेली शिकवणं महत्वाची असल्याचं सांगितलं.

Weather patterns are changing, glaciers are melting, rivers and forests are in danger.

We cannot let our planet remain wounded.

– PM @narendramodi

— BJP (@BJP4India) May 26, 2021

1. कोरोनामुळे जग संकटात:
कोरोना महामारीमुळे संपूर्ण जग संकटात सापडले आहे. या महामारीने जगाला बदलले आहे. भारतासह अनेक देशांनी कोरोनाच्या दुसऱ्या लाटेचा सामना केला आहे. या लढाईला सोबत मिळून जिंकावे लागेल.

2. आता महामारीशी लढण्याची समज:
मोदी पुढे म्हणाले की, आता आपल्याकडे या महामारीचा सामना करण्याची समज आली आहे. आता आपल्याकडे व्हॅक्सीन उपलब्ध असल्यामुळे लढाई अजून मजबुत झाली आहे. या संकटाच्या परिस्थितीत आरोग्य कर्मचारी, फ्रंट लाइन वर्कर्स आपला जीव धोक्यात घालून इतरांचे प्राण वाचवत आहेत. डॉक्टर्स आणि नर्सचे योगदान कुणीच विसरू शकणार नाही.

News English Summary: On the occasion of Vaishakh Buddhist Purnima, Prime Minister Narendra Modi interacted through video conference. At this time, he said, the climate is changing and rivers and forests are in crisis, adding that it is important to respect the teachings of the Buddha.

News English Title: The climate is changing and rivers and forests are in crisis said PM Narendra Modi news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.