२४ तासांत १५,४१३ नवे रुग्ण, देशातील कोरोनाबाधितांचा आकडा ४ लाख १० हजार ४६१वर

नवी दिल्ली, २१ जून : जगभरात थैमान घालणाऱ्या जीवघेण्या कोरोना व्हायरसने भारतात ४ लाख रुग्णांचा टप्पा ओलांडला आहे. मागील २४ तासांत देशात आतापर्यंतचे सर्वाधिक तब्बल १५ हजार ४१३ नवे करोनाबाधित आढळले, तर ३०६ कोरोना रुग्णांचा मृत्यू झाला. त्यामुळे आता देशातील एकूण कोरोनाबाधितांची संख्या ४ लाख १० हजार ४६१वर पोहोचली असून आतापर्यंत १३ हजार २५४ जणांनी कोरोनामुळे आपला जीव गमावला आहे.

दरम्यान, देशात सध्या १ लाख ६९ हजार ४५१ कोरोना रुग्णांवर उपचार सुरू आहेत, तर २ लाख २७ हजार ७५६ रुग्णांनी कोरोनावर यशस्वी मात केली आहे. आरोग्य व कुटुंब कल्याण मंत्रालयाकडून ही माहिती देण्यात आली आहे.

306 deaths and highest single-day spike of 15413 new #COVID19 positive cases reported in India in last 24 hrs.

Positive cases in India cross 4 Lakh, stands at 4,10,461 including 169451 active cases, 227756 cured/discharged/migrated & 13254 deaths: Ministry of Health pic.twitter.com/s4xzVBykVF

— ANI (@ANI) June 21, 2020

गेल्या २४ तासांत देशभरात १३९२५ कोरोनाचे रुग्ण बरे झाले आहेत. तर १६९४५१ रुग्णांवर उपचार सुरु आहेत. आयसीएमआरच्या म्हणण्यानुसार, देशात आतापर्यंत ६८,०७,२२६ जणांची कोरोना टेस्ट करण्यात आली आहे. एका दिवसात म्हणेजच गेल्या २४ तासांत १९०७३० सॅम्पल टेस्ट करण्यात आल्या आहेत.

देशात सलग नवव्या दिवशी १० हजाराहून अधिक रुग्णांची नोंद झाली आहे. १ जून ते २० जून दरम्यान देशभरात कोरोना विषाणूच्या संसर्गाची दोन लाखांहून अधिक प्रकरणे नोंदवली गेली आहेत. महाराष्ट्र, तामिळनाडू, दिल्ली, गुजरात आणि उत्तर प्रदेश ही देशातील पहिल्या पाच राज्यांपैकी एक आहे, ज्यात कोविड -१९ च्या घटनांमध्ये सर्वाधिक वाढ झाली आहे.

News English Summary: The world’s deadliest corona virus has crossed the 4 million mark in India. In the last 24 hours, 15,413 new corona cases were found in the country, while 306 corona patients died.

News English Title: The corona virus has crossed the 4 million mark in India News latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.