देशात पहिल्यांदाच एका दिवसात 2.74 लाखापेक्षा जास्त लोक संक्रमित | 1620 जणांचा मृत्यू

नवी दिल्ली, १९ एप्रिल: भारतात कोरोनाचा कहर दिवसेंदिवस वाढत असून रविवारी रुग्णांचा आकडा दीडकोटीच्या पुढे गेला आहे. आतापर्यंत 1 कोटी 50 लाख 57 हजार 767 संक्रमित झाले आहेत. यामध्ये दिलासादायक बाब म्हणजे 1 कोटी 29 लाख 48 हजार 848 लोक बरे झाले आहेत. संक्रमणामुळे मृयू झालेल्या लोकांचा आकडा 1 लाख 78 हजार 793 झाला आहे. 19 लाख 23 हजार 877 रुग्णांवर संध्या उपचार सुरु आहेत. ऍक्टिव्ह रुग्णांचा हा आकडा अमेरिकेनंतर सर्वात जास्त आहे. मागील चोवीस तासात देशामध्ये 2 लाख 74 हजार 944 लोक कोरोना पॉझिटिव्ह आढळून आले आहेत. यासोबतच 1 लाख 43 हजार 701 लोक बरे झाले असून 1620 रुग्णांचा मृत्यू झाला आहे.

79.25% नवीन रुग्ण केवळ 10 राज्यात:
रविवारी कोरोनाच्या 79.25% केस देशातील दहा राज्यात वाढल्या. यामध्ये सर्वात जास्त महाराष्ट्रात 68,631, उत्तर प्रदेशमध्ये 30,566, दिल्लीमध्ये 25,462, कर्नाटकमध्ये 19,067, केरळमध्ये 18,257, छत्तीसगढ़मध्ये 12,345, मध्यप्रदेशमध्ये 12,248, तामिळनाडूमध्ये 10,723, राजस्थानमध्ये 10,514 आणि गुजरातमध्ये 10,340 केस आढळून आल्या. या राज्यांमध्येच सर्वात जास्त रुग्णांचा मृत्यू झाला. महाराष्ट्रात 503 लोकांचा मृत्यू झाला तर दिल्लीमध्ये 161 आणि उत्तरप्रदेशमध्ये 127 लोकांचा मृत्यू झाला.

देशात करोनाच्या दुसऱ्या लाटेनं अभूतपूर्व परिस्थिती निर्माण झाली आहे. अनेक राज्य करोनाच्या संकटाला तोंड देत असून, आरोग्य व्यवस्था बिकट स्थितीतून जात आहे. बेडसह इतर सुविधांचा तुटवडा निर्माण झाल्याने राज्यांनी आता निर्बंध लादण्यास सुरूवात केली आहे.

News English Summary: The havoc of corona in India is increasing day by day and the number of patients on Sunday has gone beyond one and a half crore. So far 1 crore 50 lakh 57 thousand 767 have been infected. The consolation is that 1 crore 29 lakh 48 thousand 848 people have been cured.

News English Title: The number of patients on Sunday has gone beyond one and a half crore news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.