तृणमूल काँग्रेसचे आमदार तमोनाश घोष यांचं कोरोनामुळे निधन

कोलकाता, २४ जून : देशात कोरोना व्हायरसनं थैमान घातलं असतानाच आता धक्कादायक घटना समोर आली आहे. पश्चिम बंगालमधील तृणमूल काँग्रेस आमदार तमोनाश घोष यांचा कोरोनामुळे मृत्यू झाल्याची माहिती मिळाली आहे. वयाच्या ६० व्या वर्षी रुग्णालयात कोविड-19 च्या उपचारादरम्यान त्यांनी अखेरचा श्वास घेतला. तमोनाश घोष यांची कोरोना टेस्ट पॉझिटिव्ह आल्यानं त्यांच्यावर उपचार सुरू होते.

तमोनाश घोष यांच्या निधनावर मुख्यमंत्री ममता बॅनर्जी यांनी शोक व्यक्त केला आहे. “खूप वाईट…तमोनाश घोष आज आपल्याला सोडून गेले. गेल्या ३५ वर्षांपासून ते आपल्यासोबत होते. पक्ष आणि लोकांसाठी ते समर्पित होते. सामाजिक कार्याच्या माध्यमातून त्यांनी खूप योगदान दिलं,” अशा भावना ममता बॅनर्जी यांनी ट्विटरच्या माध्यमातून व्यक्त केल्या आहेत.

Very, very sad. Tamonash Ghosh, 3-time MLA from Falta & party treasurer since 1998 had to leave us today. Been with us for over 35 years, he was dedicated to the cause of the people & party. He contributed much through his social work. (1/2)

— Mamata Banerjee (@MamataOfficial) June 24, 2020

याआधी 10 जून ला द्रमुकचे आमदार जे. अंबाजगन यांचा कोरोनामुळे मृत्यू झाला होता. जे. अंबाजगन हे 62 वर्षांचे होते. चैन्नईतील खासगी रुग्णलयात त्यांच्यावर उपचार सुरू असताना कोरोनामुळे मृत्यू झाला होता.

News English Summary: While the corona virus has spread in the country, a shocking incident has come to light. West Bengal Trinamool Congress MLA Tamonash Ghosh has reportedly died due to corona. At the age of 60, he breathed his last while undergoing treatment for Kovid-19 at the hospital.

News English Title: TMC MLA Tamonash Ghosh died due to Corona virus Mamata Banerjee pays tribute on twitter News latest Updates.