काश्मीरमध्ये भारतीय लष्कराकडून मोठी कारवाई, ६ दहशतवादी ठार

जम्मू : काश्मीर खोऱ्यातील त्राल आणि पुलवामा सेक्टरमध्ये शनिवारी सकाळपासून भारतीय लष्कर आणि आतंकवाद्यांदरम्यान तुंबळ धुमश्चक्री पाहायला मिळत आहे. दरम्यान, भारतीय जवानांनी तब्बल ६ दहशतवाद्यांना ठार केले असून, काहींचा अजून शोध सुरु आहे.

अजूनही या परिसरात काही आतंकवादी लपून बसल्याची माहिती लष्कराला मिळाली आहे. त्यामुळे भारतीय लष्कराकडून खबरदारीचा उपाय म्हणून जोरदार कोम्बिंग ऑपरेशन सुरु आहे. काहीवेळापूर्वीच या दहशतवाद्यांचे मृतदेह आणि मोठा शस्त्रसाठा लष्कराने ताब्यात घेतला आहे. दरम्यान, हे सर्व दहशतवादी झाकीर मुसा याच्या संघटनेतील असण्याची शक्यता लष्कराने वर्तविली आहे. दरम्यान, या चकमकीनंतर संपूर्ण परिसरातील इंटरनेट आणि मोबाईल सेवा खंडित करण्यात आल्याचे वृत्त आहे.

#UPDATE Jammu and Kashmir: Six terrorists killed in the ongoing encounter in Tral, Pulwama. Arms and ammunition recovered. Operation over. pic.twitter.com/FVwNhS85Q5

— ANI (@ANI) December 22, 2018

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.