भाजप उमेदवाराच्या गाडीत EVM मशीनचं प्रकरण | अमित शहांची प्रतिक्रिया

दिसपूर, ३ एप्रिल: काल निवडणूक आयोगाची गाडी बंद पडल्याने भाजप उमेदवाराच्या गाडीतून इव्हीएम मशीन नेल्याचा प्रकार आसाममध्ये घडला होता. यावरून विरोधकांनी प्रचंड गदारोळ केला आहे. यानंतर वाद निर्माण झाला असून रातबारी मतदारसंघातील मतदान केंद्रावर फेरमतदान घेण्याचे आदेश निवडणूक आयोगाने दिले आहेत. याप्रकरणी चार अधिकारी निलंबितदेखील करण्यात आले आहेत. दरम्यान या सर्व प्रकरणावर केंद्रीय गृहमंत्री अमित शाह यांनी प्रतिक्रिया दिली आहे. ते इंडिया टुडेशी बोलत होते.

केंद्रीय गृहमंत्री अमित शाह म्हणाले की, “जर भाजपा नेत्याने काही चुकीचं केलं असेल तर त्याच्यावर निवडणूक आय़ोगाने कडक कारवाई करावी. माझ्याकडे या प्रकरणाची सविस्तर माहिती नाही. मी दक्षिण भारतात प्रचार करत होतो. यासंबंधी अधिक माहिती मी घेईन…आम्ही निवडणूक आयोगाला कोणतंही पाऊल उचलण्यापासून कधी रोखलेलं नाही. जर तुम्ही म्हणत असाल तसं झालं असेल तर कायद्याप्रमाणे निवडणूक आयोगाने कारवाई केली पाहिजे. यामध्ये सहभागी असतील त्यांच्यावरही कठोर कारवाई झाली पाहिजे.”

News English Summary: An EVM machine was allegedly taken from a BJP candidate’s vehicle in Assam after the Election Commission’s vehicle was stopped yesterday. After this, a dispute has arisen and the Election Commission has ordered re-polling at the polling station in Ratbari constituency. Four officers have also been suspended in the case. Meanwhile, Union Home Minister Amit Shah has reacted to all these issues. He was talking to India Today.

News English Title: Union Home Minister Amit Shah talked on Assam EVM machine case news updates.