युती तुटली! शिवसेना ‘एनडीए’बाहेर; भाजपाकडून अधिकृत घोषणा

नवी दिल्ली: महाराष्ट्रातील सत्तास्थापनेवरून भारतीय जनता पक्षासोबत काडीमोड घेतलेली शिवसेना आता एनडीएतून बाहेर पडली आहे. संसदेतील दोन्ही सभागृहांत म्हणजेच, लोकसभा आणि राज्यसभेत शिवसेनेचे खासदार विरोधी पक्षात बसणार आहेत. ते विरोधी पक्षांच्या बाकावर बसतील, अशी संसदीय कामकाज मंत्री प्रल्हाद जोशी यांनी आज प्रसारमाध्यमांना दिली.

युती तुटली! शिवसेना ‘एनडीए’बाहेर; केंद्रीय संसदीय कामकाज मंत्री प्रल्हाद जोशी यांनी भाजपाकडून अधिकृत घोषणा केली – https://t.co/iryabgircf@ShivSena @BJP4Maharashtra @BJP4India @rautsanjay61 pic.twitter.com/Y06Ra0Xn1l

— महाराष्ट्रनामा न्यूज (@MahanamaNews) November 17, 2019

विधानसभा निवडणुकीत भारतीय जनता पक्ष-शिवसेना युतीला स्पष्ट बहुमत असताना मुख्यमंत्रीपदावरून युती फिस्कटली. मुख्यमंत्रीपद हवच अस सांगत शिवसेनेनं भारतीय जनता पक्षाला दूर सारत राज्यात सत्तास्थापन करण्यासाठी राष्ट्रवादी काँग्रेस आणि काँग्रेसच्या मदतीनं मोर्चे बांधणी सुरू केली आहे. सत्तास्थापनेसंदर्भात तिन्ही पक्षातील बोलणी अंतिम टप्प्यात आली आहेत.

लोकसभेत भारतीय जनता पक्षाला स्पष्ट बहुमत आहे मात्र राज्यसभेत भारतीय जनता पक्षाला इतर पक्षांची मदतीची गरज असते. त्यामुळे शिवसेनेचा विरोध भाजपासाठी कठीण जाणार आहे. सर्वपक्षीय बैठकीसाठी गटनेते विनायक राऊत सहभागी झाले होते. शिवसेनेच्या लोकसभेतील खासदारांची संख्या १८ आहे. एनडीएतील दोन नंबरचा पक्ष आहे. त्यामुळे शिवसेनेचा विरोध सरकारसाठी डोकेदुखी ठरु शकतो.

आम्हाला ट्विटरवर फॉलो करा:

शिवसेना संसदेत विरोधी बाकांवर बसणार? राज्यसभेतील खासदार संजय राऊत आणि अनिल देसाई यांची बसण्याची व्यवस्था विरोधी बाकांवर करण्यात आली आहे – https://t.co/YYdiYSJ1mP
(File Pic)@rautsanjay61 @ShivSena @ianildesai pic.twitter.com/BzfiUqB7Cx

— महाराष्ट्रनामा न्यूज (@MahanamaNews) November 16, 2019