UPSC परीक्षेचा घोळ मिटला, या तारखेला होणार परीक्षा

नवी दिल्ली, ५ जून: कोरोनाच्या वाढत्या प्रादुर्भावामुळे अनेक परीक्षा रद्द करण्यात आल्या आहेत. त्यामुळे केंद्रीय लोकसेवा आयोगाकडून घेण्यात येणारी पूर्व आणि मुख्य परीक्षेबाबत संभ्रम निर्माण झाला होता. आता, हा संभ्रम दूर झाला असून या दोन्ही परीक्षा पुढे ढकलण्याचा निर्णय घेण्यात आला आहे. त्यानुसार, युपीएससीची पूर्व परीक्षा ४ ऑक्टोबर रोजी तर, मुख्य परीक्षा ८ जानेवारी २०२१ रोजी घेण्यात येणार आहे.

कोरोनाच्या पार्श्वभूमीवर केंद्र सरकारनं लॉकडाउनची घोषणा केली. त्यानंतर सर्वच काम ठप्प झाली. केंद्रीय लोकसेवा आयोगाकडून घेण्यात येणाऱ्या विविध परीक्षांवरही यांचा परिणाम झाला. केंद्रीय लोकसेवा आयोगानं जाहीर केलेल्या वेळापत्रकानुसार ३१ मे २०१९ रोजी पूर्व परीक्षा घेण्यात येणार होती. मात्र, लॉकडाउनमुळे ती पुढे ढकलण्यात आली.

त्यानंतर २ जून रोजी ही परीक्षा होणार असल्याचं आयोगानं जाहीर केलं होतं. पण, परिस्थितीत सुधारणा न झाल्यानं आयोगानं अनिश्चित काळासाठी परीक्षा पुढे ढकलली. या संदर्भात शुक्रवारी (५ जून) आयोगाची बैठक पार पडली. त्यात तारीख निश्चित करण्यात आली. केंद्रीय लोकसेवा आयोगानं आपल्या संकेतस्थळावर शुक्रवारी पूर्व आणि मुख्य परीक्षेच्या तारखांची घोषणा केली. ४ ऑक्टोबर रोजी पूर्व परीक्षा घेण्यात येणार आहे. तर मुख्य परीक्षा ८ जानेवारी २०२१ रोजी घेण्यात येणार आहे.

News English Summary: It was decided by the Central Public Service Commission to postpone the UPSC Prelims (Pre-Examination) and Main (Main) examinations. For the past few days, there has been talk of setting a date for the exam. Finally, the commission has announced the date of the examination. A meeting was held today to decide the dates of various examinations and interviews to be conducted by the commission. The meeting fixed the dates for the pre- and main examinations.

News English Title: UPSC Civil Services Prelims Exam 2020 New Dates Announced News latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.