उत्तर प्रदेश विधानसभा २०२२ | सत्ता जाण्याच्या भीतीने सरसंघचालक आत्तापासूनच स्वतः राजकीय बैठकांच्या मैदानात

लखनऊ, ०३ जून | कोरोना आपत्तीत योगी सरकारवर जनतेचा संताप वाढला असून हिंदुत्वाच्या राजकारणालाही फटका बसला आहे. तसेच मोदींसहित सर्वांनाच याचा फटका बसणार असल्याचे संकेत मिळाले आहेत. त्यामुळे योगीच्या भरोसे निवडणूक लढविण्यात काहीच अर्थ नाही हे आरएसएसला देखील समजल्याचे वृत्त आहे. उत्तर प्रदेश हातून गेला तर देश देखील जाणार हे भाजपाच्या पक्षश्रेष्ठींना देखील माहिती आहे. परिणामी संघ तसेच मोदी-शहा तिसरी लाट सोडून भाजप विरोधी लाट थोपविण्याच्या कामाला लागले आहेत.

त्यामुळे उत्तर प्रदेशमधील राजकीय स्थितीचा आढावा घेणारी चर्चेची दुसरी फेरी सरसंघचालक मोहन भागवत यांच्या उपस्थितीत होणार असल्याचे समजते. सरसंघचालक गुरुवारी दिल्लीत येणार असून संघाच्या वरिष्ठ नेत्यांच्या बैठका घेणार आहेत. उत्तर प्रदेशमध्ये आठ महिन्यांनंतर विधानसभेची निवडणूक होणार असून, यासंदर्भात गेल्या आठवड्यात संघ व भाजपच्या नेत्यांमध्ये चिंतन बैठक झाली होती.

उत्तर प्रदेशचे मुख्यमंत्री योगी आदित्यनाथ यांच्या कारभारावर राज्यातील मंत्री आणि प्रदेश नेते नाराज असून लखनौमध्ये दोन दिवस राष्ट्रीय पक्षसंघटक बी. एल. संतोष यांच्या उपस्थितीत बैठक झाली. करोनाच्या दुसऱ्या लाटेच्या हाताळणीवरून योगी प्रशासन पक्षांतर्गत टीकेचे धनी झाले आहे. या पार्श्वभूमीवर संघाच्या नेत्यांमध्ये मंथन होणार असून सरकार्यवाह दत्तात्रय होसबाळे यांच्यासह सर्व सहकार्यवाहही उपस्थित राहणार आहेत. भागवत काही दिवस दिल्लीत असतील व त्यांच्या अनौपचारिक बैठक होणार असल्याचे समजते.

News English Summary: It is understood that the second round of discussions to review the political situation in Uttar Pradesh will be held in the presence of Sarsanghchalak Mohan Bhagwat. Sarsanghchalak will arrive in Delhi on Thursday to hold meetings of senior Sangh leaders. In Uttar Pradesh, where assembly elections are to be held in eight months, a think tank meeting was held between the Sangh and BJP leaders last week.

News English Title: Uttar Pradesh Assembly Election 2022 meeting will be held in the presence of Sarsanghchalak Mohan Bhagwat news updates.