माँ गंगा ने बुलाय है? गंगा घाटावर हजारो कोरोना मृतदेह पुरले | यूपीतील परिस्थिती भीषण

लखनऊ, १४ मे | देशात करोनाने धुमाकूळ घातला आहे. देशात गेल्या २४ तासात ३ लाख ४३ हजार १४४ नवीन रुग्ण आढळले. पण दिलासादायक वृत्त म्हणजे सर्वाधीक रुग्ण बरे होऊण घरी गेले आहेत. ३ लाख ४४ हजार ७७६ रुग्णांनी करोनावर मात केली. तर ४००० रुग्णांचा करोनामुळे मृत्यू झाला आहे. केंद्रीय आरोग्य मंत्रालयाने ही माहिती दिली. देशात करोनाची लागण होण्याचे प्रमाण दोन कोटींच्या पुढे गेले आहे. तर करोनामुळे मृत्यूंचा आकडा २.६२ लाखांच्या वर पोहोचला आहे.

दरम्यान, सध्या उत्तर प्रदेशातील कानपूर, कन्नौज, उन्नाव, गाझीपूर आणि बलियामधील परिस्थिती अतिशय वाईट आहे आणि इथलं भीषण वास्तव देखील समोर आलं आहे. वास्तवात समोर येणारं चित्र हे अत्यंत भीषण असून योगी सरकार हतबल असल्याचं पाहायला मिळतंय.

उत्तर प्रदेशातील बड्या शहरांपैकी एक कानपूरमधील शेरेश्वर घाटाजवळ अर्ध्या तासाच्या अंतरावर अनेक मृतदेह पुरण्यात आले आहेत. येथील परिस्थिती खूपच भयावह असल्याचे सांगितले जाते. जिथपर्यंत नजर जाईल तिथपर्यंत फक्त मृतदेहांना जमिनीत पुरलेले दिसत होते. काही मृतदेहांचे कुत्रे लचके तोडत होते तर काहींवर गरुड व कावळे बसलेले दिसले. संबंधित प्रकरणाची माहिती मिळताच पोलिसांची टीमही येथे पोहोचली. त्यानंतर पोलिसांकडून प्रत्येक मृतदेहावर माती टाकण्याचे काम सुरू झाले.

कोरोना काळातील सर्वात मोठी स्मशानभूमी उन्नावमध्ये असल्याचे दिसून येत आहे. कारण येथीलच शुक्लगंज घाट आणि बक्सर घाटाजवळ 900 हून अधिक मृतदेहांचे दफन करण्यात आले आहे. दरम्यान, तेथे प्रत्येक चरणात मानवी अवयव विखुरलेले दिसतात. सध्या घाई गडबडीत सर्व मृतदेहांना वाळूत पुरुन टाकण्याचं काम सुरु आहे.

UP कानपूर, उन्नाव, गाझीपूर आणि बलियामध्ये सर्वात वाईट परिस्थिती, गंगा घाटावर हजारो कोरोना मृतदेह पुरले pic.twitter.com/pTg51YtxZj

— महाराष्ट्रनामा न्यूज (@MahaNewsConnect) May 14, 2021

VIDEO | लोकसभा निवडणूक २०१४ | मुझे तो माँ गंगा ने बुलाया है | आता कोरोना आपत्तीत संपूर्ण वाराणसी त्यांना बोलावत आहे पण ते येतंच नाहीत.#MaaGanga #VaranasiKashi #India #CoronaPandemic #PMModi pic.twitter.com/4YQAZriOgw

— महाराष्ट्रनामा न्यूज (@MahaNewsConnect) May 14, 2021

News English Summary: The largest cemetery in the Corona period appears to be in Unnao. More than 900 bodies have been buried near Shuklaganj Ghat and Buxar Ghat here. Meanwhile, there appear to be human organs scattered at every step.

News English Title: Uttar Pradesh Ganga river Ghat coronavirus situation is worst news updates.