उत्तर प्रदेश कोरोना आपत्ती | योगी सरकार संपूर्ण राज्यात वीकेंड लॉकडाऊन लावणार

लखनऊ, २० एप्रिल: लखनऊसह उत्तर प्रदेशातील 5 शहरांमध्ये लॉकडाऊन लादला जाणार नाही. अलाहाबाद उच्च न्यायालयाच्या आदेशाला सर्वोच्च न्यायालयाने स्थगिती दिली आहे. सोमवारी, हायकोर्टाने लखनऊ, कानपूर, वाराणसी, प्रयागराज आणि गोरखपूरमध्ये 26 एप्रिलपर्यंत संपूर्ण लॉकडाऊनचे आदेश दिले होते. याविरोधात योगी सरकारने सर्वोच्च न्यायालयात याचिका दाखल केली होती. यूपी सरकारच्या वतीने सॉलिसिटर जनरल तुषार मेहता यांनी हे प्रकरण सरन्यायाधीशांच्या खंडपीठासमोर ठेवले. सरकारने म्हटले आहे की, लॉकडाऊनचा आदेश देणे न्यायपालिकेच्या कार्यक्षेत्रात येत नाही.

दरम्यान, पुन्हा एकदा योगी सरकारने संपूर्ण राज्यात वीकली लॉकडाऊन लावण्याचा निर्णय घेतला आहे. म्हणजेच आता प्रत्येक शनिवार आणि रविवारी राज्यात सर्व काही बंद राहिल. केवळ इमरजेंसी सुविधाच सुरू राहतील. आतापर्यंत केवळ रविवारीच लॉकडाऊन होते. या व्यतिरिक्त ज्या जिल्ह्यांमध्ये 500 पेक्षा जास्त अॅक्टिव्ह केस आहेत. तिथे रोज रात्री 8 वाजेपासून दुसऱ्या दिवशी सकाळी 07 वाजेपर्यंत आवश्यक सेवा वगळता सर्व गोष्टींवर निर्बंध असतील.

उत्तरप्रदेशात कोरोनाची दुसरी लाट नियंत्रणाबाहेर जात असल्याचे दिसत आहे. रोज नवीन संक्रमितांसह मृतांचा आकडाही वाढतना दिसत आहे. सोमवारी राज्यात 28,211 नवीन संक्रमितांची ओळख झाली आणि 167 लोकांचा मृत्यू झाला आहे.

News English Summary: Lockdown will not be imposed in 5 cities in Uttar Pradesh including Lucknow. The Supreme Court has stayed the Allahabad High Court order. On Monday, the High Court had ordered a complete lockdown in Lucknow, Kanpur, Varanasi, Prayagraj and Gorakhpur by April 26. The Yogi government had filed a petition in the Supreme Court against this. On behalf of the UP government, Solicitor General Tushar Mehta took up the matter before a bench of Chief Justice. The government has said that ordering a lockdown does not fall within the jurisdiction of the judiciary.

News English Title: Uttar Pradesh govt will impose weekend lcokdown due to corona pandemic news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.