गृहमंत्रालयाच्या उत्तराने गृहमंत्री तोंडघशी; 'तुकडे-तुकडे गँगची माहिती नाही' असं RTI'ला उत्तर

नवी दिल्ली: देशात ‘टुकडे-टुकडे गँग’ सक्रिय असल्याबाबत केंद्रीय गृहमंत्रालयाकडे कोणतीही माहिती उपलब्ध नाही, असे उत्तर माजी पत्रकार व कार्यकर्ते साकेत गोखले यांनी माहिती अधिकारांतर्गत विचारलेल्या प्रश्नावर गृह मंत्रालयाने दिले आहे. ‘टुकडे-टुकडे गँग’ देशातील अशांततेला जबाबदार आहे, असा आरोप केंद्रीय गृहमंत्री अमित शहा यांनी केला होता. या अनुशंगानेच गोखले यांनी अशा गँगबाबत माहिती मागितली होती.

PEOPLE – IT’S OFFICIAL

The Home Ministry has responded to my RTI saying:

“Ministry of Home Affairs has no information concerning tukde-tukde gang.”

Maanyavar is a liar.

The “tukde tukde gang” does not officially exist & is merely a figment of Amit Shah’s imagination. pic.twitter.com/yaUGjrqI4f

— Saket Gokhale (@SaketGokhale) January 20, 2020

भारतीय जनता पक्षाच्या नेत्यांकडून अनेकदा भाषणामध्ये ‘तुकडे तुकडे गँग’चा देशात विभाजन घडवण्याचा डाव आहे अशी टीका केली जाते. जवाहरलाल नेहरु विद्यापिठामध्ये २०१६ साली झालेल्या सरकारविरोधी आंदोलनानंतर भारतीय जनता पक्षाच्या नेत्यांकडून ‘तुकडे तुकडे गँग’ हा उल्लेख वरचे वर होऊ लागला. याचसंदर्भात गोखले यांनी महिती अधिकार हक्काअंतर्गत अर्ज करुन ‘तुकडे तुकडे गँग’बद्दल सरकारकडे असणारी माहिती उघड करावी अशी मागणी केली होती.

जेएनयू विद्यालयातील विद्यार्थ्यांना देशद्रोही ठरविण्यासाठी भारतीय जनता पक्षाने जोरदार प्रयत्न केला होता. काही वर्षांपूर्वी कन्हैया कुमार याचं प्रकरण गाजल्यानंतर भारतीय जनता पक्षाने याला मोठा धार्मिक रंग दिला होता. विशेष म्हणजे न्यायालयाने देखील सर्व पुराव्यानंती कन्हैया कुमारला निर्दोष असल्याचं म्हटलं आहे. मात्र, त्यानंतर CAA आणि NRC वरून देशभरात आंदोलनं पेट घेताच भाजपने देशाचं लक्ष जेएनयू’वर केंद्रित करण्यासाठी सगळा खेळ रचला असा आरोप देखील विरोधकांनी केला होता. मात्र भारतीय जनता पक्षाचे नेते पुन्हा पुन्हा ज्या ‘तुकडे तुकडे’ गॅंगचा उच्चार भाषणात करतात ती खरोखर अस्तित्वात आहे अशी विचारणा जेव्हा खुद्द अमित शहांच्या गृहमंत्रालयाला विचारण्यात आले तेव्हा मात्र उत्तराने भारतीय जनता पक्ष तोंडघशी पडल्याचं म्हटलं जातं आहे.

Web Title:  We do not have information about Tukde Tukde Gang Union Home Ministry reply to RTI Question.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.