कोरोना आपत्तीत मध्य प्रदेशनंतर भाजपने राजस्थानवर मोर्चा वळवला?

नवी दिल्ली, १२ जुलै : राजस्थानचे मुख्यमंत्री अशोक गहलोत जयपूरमध्ये आपलं सरकार वाचवण्याच्या प्रयत्नात आहेत. दुसरीकडे उपमुख्यमंत्री सचिन पायलट दिल्लीत पोहोचले आहेत. भाजप त्यांचं सरकार पाडण्याच्या प्रयत्नात असल्याचं मुख्यमंत्री गहलोत यांनी म्हटलं आहे. त्यातच उपमुख्यमंत्री सचिन पायलट हे राज्यात नसल्याने राजकीय चर्चांना उधाण आलं आहे.

शनिवारी सीएम अशोक गहलोत यांनी कॅबिनेटची बैठक घेतली. पण या बैठकीला सचिन पायलट उपस्थित नव्हते. सध्या ते दिल्लीत आहेत. राजस्थानचे जवळपास 10 आमदार दिल्लीत आहेत. हे आमदार काँग्रेसच्या प्रमुखांना भेटून आपली मागणी त्यांच्यासमोर मांडणार आहेत. हे आमदार गुरुग्रामजवळ थांबले आहेत. जयपूरमध्ये काँग्रेसचे आमदार जितेंद्र सिंह यांनी ही माहिती दिली. पण हे आमदार उपमुख्यमंत्री सचिन पायलट यांच्यासोबत आहेत असं त्यांनी म्हटलं नाही.

Rajasthan Chief Minister Ashok Gehlot summons meeting tonight of Congress MLAs, independents supporting his govt

— Press Trust of India (@PTI_News) July 12, 2020

काँग्रेस पक्ष २०१८मध्ये राजस्थानात सत्तेत आल्यानंतरच अशोक गेहलोत व सचिन पायलट यांच्यात वादाची थिणगी पडली होती. काँग्रेसनं विधानसभा निवडणुकीसाठी निवडलेल्या नेतृत्त्वापासून याची सुरूवात झाली होती. त्यानंतर जेव्हा काँग्रेसनं तिसऱ्यांदा अशोक गेहलोत यांना मुख्यमंत्री केलं, त्यानंतर वादाची ही दरी आणखी वाढली. या मागील महत्त्वाचं कारण म्हणजे २०१३मध्ये झालेल्या विधानसभा निवडणुकीत मानहाणीकारक पराभव झाल्यानंतर राजस्थानमधील काँग्रेस प्रदेशाध्यपदाची सूत्रे हाती घेतल्यानंतर सचिन पायलट यांनी पक्ष बांधणीचं मोठं काम केलं होतं. त्यानंतर खातेवाटपावरूनही दोन्ही नेत्यांमधील नाराजी स्पष्टपणे दिसून आली होती.

राजस्थानमध्ये सचिन पायलट उपमुख्यमंत्री आहेत. त्यांनी अहमद पटेल यांची भेट घेत गेहलोत यांच्यावर आरोप केला आहे की, आम्हाला गेहलोत बाजुला ठेवत आहेत. यावर पटेल यांनी पायलटना तुमच्यावर कोणताही अन्याय होऊ देणार नसल्याचे आश्वासन दिले आहे. तर दुसरीकडे गेहलोत वरिष्ठ नेत्यांना राज्यात सारेकाही ठीक असल्याचे सांगत आहेत. दरम्यान पायलट यांना राजस्थानच्या एसओजीने चौकशीसाठी बोलावले आहे.

News English Summary: Rajasthan Chief Minister Ashok Gehlot is trying to save his government in Jaipur. On the other hand, Deputy Chief Minister Sachin Pilot has reached Delhi. Chief Minister Gehlot has said that BJP is trying to overthrow his government.

News English Title: Will Jaipur Go Bhopal Way Congress Leadership Alarmed News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.