गलवान खोऱ्यात भारताविरोधात हिंसाचार हा चीनचा कट | अमेरिकेचा दावा

वॉशिंग्टन, २ डिसेंबर: चीनचा खरा विघातक चेहरा पुन्हा जगासमोर समोर आला आहे. अमेरिकेने याबाबत खुलासा केल्याने जागतिक स्तरावर खळबळ माजली आहे. भारत चीनच्या सीमेवरील लडाखमधील गलवान खोऱ्यात झालेल्या हिंसाचाराचा कट चीनने आखला असल्याचे अमेरिकेच्या संसदीय समितीच्या (US parliamentary committee on Galvan Valley in Ladakh Indo-China border) अहवालात स्पष्ट म्हटले आहे आणि त्यामुळे चीन तोंडघशी पडला आहे.

या हिंसाचाराच्या माध्यमातून चीनला आपल्या शेजारच्या देशाविरोधात बळजबरी करून विस्तारवादी भूमिका आक्रमक करायची होती. गलवान खोऱ्यात झालेल्या हिंसाचारात (Galvan Valley in Ladakh Indo-China border) चीनने भारतीय सैनिकांवर हल्ला केला होता. या हल्ल्यात तब्बल २० भारतीय जवान शहीद झाले होते. चिनीसैन्याने खिळे लावलेले रॉड त्यावेळी वापरल्याचा यापूर्वीच समोर आलं होतं.

अमेरिकेच्या अहवालात स्पष्टपणे म्हटलं आहे, की गलवानमधील हिंसक चकमक पूर्वनियोजित होती आणि याचे सबळ पुरावे देखील उपलब्ध आहेत. या अहवालात अमेरिकेने म्हटले आहे, की चीनला जमिनीवरच कब्जा करायचा असता, तर त्याने अशा चकमकी ऐवजी थेट लढाईच केली असती. परंतु, गलवान हिंसक चकमकीचे कारण या अहवालात स्पष्टपणे जाहीर करण्यात आलेले नाही. मात्र चीनने आपल्या सैन्यासाठी स्ट्रॅटेजिक रूट (China strategic route for its troops) तयार करण्याच्या हेतूने ही चकमक घडवून आणली, असा अंदाज सदर अहवालात लावण्यात आला आहे.

News English Summary: China’s true destructive face has once again come to the fore. The US revelation has caused a stir globally. A report by a US parliamentary committee has clearly stated that China was behind the violence in the Galvan Valley in Ladakh on the Indo-China border.

News English Title: America disclosure says India China Ladakh Galvan clash was Chinas planned News updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.