कोरोना आपत्ती, महागाई, बेरोजगारी | ब्राझीलमध्ये 2 कोटी लोक उपासमारीच्या उंबरठ्यावर

ब्रासिलिआ, १३ एप्रिल: ब्राझीलमध्ये कोरोना वाढत आहे. एकीकडे हजारो लोकांचा मृत्यू होत आहे. स्मशानात जागा शिल्लक नाही. दुसरीकडे, दोन कोटी लोक कोरोनामुळे निर्माण स्थितीमुळे भुकेचा सामना करत आहेत. स्थिती अशी आहे की, एकूण २१.१ कोटी लोकसंख्येपैकी जवळपास अर्ध्या लोकांना व्यवस्थित जेवणही मिळत नाहीये. ब्राझीलच्या अन्न सार्वभौमत्व आणि पोषण सुरक्षा संशोधन नेटवर्कच्या अहवालात ही बाब स्पष्ट झाली आहे.

नेटवर्कचे अध्यक्ष रेनाटो मालूफ म्हणतात की, शहरांमध्ये तरी लोक रस्त्यावर येऊन जेवण मागू शकतात. मात्र, गावांमध्ये स्थिती खूपच खराब आहे. कारण, तेथे रस्त्यांवर अन्न द्यायलाही कोणी भेटणार नाही. या स्थितीला कोरोनामुळे वाढलेली बेकारी व जीवनावश्यक वस्तूंच्या दरात झालेली बेसुमार वाढ कारणीभूत असल्याचे तज्ञांचे मत आहे. ब्राझील इन्स्टिट्यूट ऑफ जिओग्राफी अँड स्टॅटिक्सच्या नुसार गेल्या एक वर्षात देशात तांदळाचा भाव ७०%, तर स्वयंपाकाच्या गॅसचे २०% वाढले आहेत.

दरम्यान, कामाच्या शोधात ब्राझीलमधून मोठ्या संख्येने लोक अमेरिकेला जातात. मात्र, कोरोनामुळे त्यांच्यासाठी समस्या निर्माण झाली आहे. तेथे त्यांना लस दिली जात नाहीये. कारण त्यांच्याकडे वाहन परवानासारखे स्थानिक ओळखपत्र नाही. यूएसच्या ५० पैकी १० राज्यांतच अशा लोकांना लस दिली जात आहे.

News English Summary: Corona is growing in Brazil. On the one hand, thousands of people are dying. There is no space left in the cemetery. On the other hand, two crore people are facing starvation due to corona formation conditions. The situation is that out of the total population of 21.1 crore, almost half of the people do not even get proper food. A report by Brazil’s Food Sovereignty and Nutrition Security Research Network makes this clear.

News English Title: Corona is growing in Brazil but inflation and unemployment made life difficult news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.