आखाती देशांमध्ये अडकलेल्या ३ हजार भारतीयांसाठी मराठी उद्योजकाचा पुढाकार

अबुधाबी, १ जून: आखाती देशांमध्ये महाराष्ट्रातील हजारो नागरिक अडकले आहेत. पण राज्य सरकारच्या उदासीनतेमुळे हे नागरिक ‘वंदे भारत’अभियानांतर्गत मुंबईत येऊ शकत नसल्याची स्थिती आहे.

कोरोना संकटामुळे जगभरात विविध देशांमध्ये भारतीय अडकून पडले आहेत. त्यांना केंद्र सरकार एअर इंडियाच्या साहाय्याने वंदे भारत अभियान सुरू केले आहे. असेच सुमारे अडीच लाख भारतीय आखाती देशांमध्ये अडकून पडले आहेत. त्यातील १८०० ते दोन हजार मराठी नागरिकांचा समावेश आहे. आखाती देशात अडकलेले भारतीय देशातील अन्य विमानतळांवर या अभियानांतर्गत दाखल होत आहेत. पण मुंबईसाठी एकही विमानसेवा नाही.

दरम्यान, दुबईस्थित मसाला किंग धनंजय दातार यांनी आखाती देशात आपले उद्योगविश्व निर्माण केले आहे. मसाला किंग या नावाने ते ओळखले जातात. दरम्यान, कोरोनामुळे निर्माण झालेल्या परिस्थितीमुळे आखाती देशांमध्ये राहणारे भारतीय मायदेशी परतण्यासाठी प्रयत्नशील आहेत. भारतात जाण्यासाठी परतीचे तिकीट मिळवण्यासाठी हजारो भारतीय नागरिक भारतीय वकिलातीसमोर रांगा लावत आहेत, असा लोकांच्या मदतीसाठी दातार पुढे आले आहेत.

याबाबत धनंजय दातार म्हणाले की, आखाती देशांमध्ये अडकून पडलेल्या भारतीयांमध्ये गरोदर महिला, मुले, पर्यटक आणि अल्पकालीन व्हिसा घेऊन आलेल्यांचा समावेश आहे. अशा अडकून पडलेल्या ३ हजार भारतीयांच्या केरळ, चेन्नई, दिल्ली, हैदराबाद, जयपूर, लखनौ, गोवा आणि चंदिगड येथे जाण्याची व्यवस्था मी केली आहे.

News English Summary: Dhananjay Datar said Indians stranded in the Gulf include pregnant women, children, tourists and those with short-term visas. I have arranged for 3,000 stranded Indians to travel to Kerala, Chennai, Delhi, Hyderabad, Jaipur, Lucknow, Goa and Chandigarh.

News English Title: Corona virus Marathi Industrialists initiative repatriate Indian stranded gulf countries News latest updates.