लॉकडाऊननंतर कोरोनाची मोठी लाट येऊ शकते; WHO चा इशारा

वॉशिंग्टन, २६ मे: कोरोनाचा प्रार्दुभाव रोखण्यासाठी अनेक देशांमध्ये लॉक़ाऊन जाहीर करण्यात आला होता. मात्र अनेक देशांनी हा लॉकडाऊन हटवण्याचा निर्णय घेतला आहे. मात्र लॉकडाऊन हटवणाऱ्या निर्णय घेतलेल्या देशांना जागतिक आरोग्य संघटनेने महत्त्वाचा इशारा दिला आहे. जर देशांनी लॉकडाऊन उठवण्यात घाई केली तर कोरोनाचा दुसरा टप्पा येण्याची शक्यता जागतिक आरोग्य संघटनेने वर्तवला आहे. काही देशांमध्ये कोरोनाची संख्या कमी होत असली तर मध्य आणि दक्षिण अमेरिका, दक्षिण आशिया आणि अफ्रिका येथील संख्या वाढत आहे. त्यामुळे सरकारने लॉकडाऊन उठवण्याची घाई करू नये असा इशारा जागतिक आरोग्य संघटनेचे आपत्कालीन संचालक डॉक्टर माइक रायन यांनी सांगितलं आहे.

Media briefing on #COVID19 with @DrTedros https://t.co/wJKdcVKgw5

— World Health Organization (WHO) (@WHO) May 25, 2020

हॉपकिन्स युनिव्हर्सिटीने दिलेल्या माहितीनुसार, जगभरात ५० लाखांहून अधिक लोकांना करोनाची लागण झाली आहे. ज्या देशांमध्ये करोनाचा प्रादुर्भाव कमी झाला आहे त्यांना इशारा देताना माइक रायन यांनी करोना टप्प्याटप्प्याने येत असल्याचा इशारा दिला आहे. माइक रायन यांनी युरोप आणि नॉर्थ अमेरिका जिथे निर्बंध शिथील करण्यात आले आहेत आणि सर्वसामान्य जीवन सुरळीत होत आहे त्यांनाही लोकांच्या सुरक्षेसाठी सर्व काळजी घेण्यास सांगितलं आहे. जेणेकरुन करोनाची दुसरी लाट टाळता येईल असं ते म्हणाले आहेत.

कोरोनाची प्रकरणं कमी झाली याचा अर्थ त्याचा प्रभाव कमी होत जाईल असा विचार करणं चुकीचं आहे. आणि आपल्याकडे दुसरी लाट येण्याआधी तयारीसाठी खूप वेळ आहे असा विचार अजिबात करता कामा नये. कोरोनाचा प्रभाव कमी झाल्यानंतर एका महिन्यात तो पुन्हा वाढू शकतो,” असं जागतिक आरोग्य संघटनेने सांगितलं आहे.

News English Summary: Lockouts were declared in several countries to prevent the spread of corona. However, many countries have decided to remove this lockdown. But the World Health Organization has issued a stern warning to countries that have decided to end the lockdown.

News English Title: Coronavirus Lockdown Worl Health Organisation Warns Immediate Second Peak News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.