मुंबई २६/११ हल्ला : मास्टरमाईंड तहव्वूर हुसैनला अमेरिकेत अटक

मुंबई, २० जून : मुंबईत २००८ साली झालेल्या २६/११ हल्ल्याचा कट रचलेल्या मास्टर माईंड दहशतवादी तहव्वूर हुसैन राणाला अमेरिकेत अटक करण्यात आलं आहे. अमेरिकेतील लॉस एंजेलिसमधून राणाला अटक करण्यात आली आहे. त्यामुळे राणाचं भारतात प्रत्यार्पण होण्याची शक्यता असल्याचं बोललं जात आहे. राणा हा पाकिस्तान – कॅनडाचा नागरिक असून अमेरिकेने या हल्ल्यामध्ये सहभागी असल्याच्या आरोपावरून शिक्षाही केली होती.

दोनच दिवसांपूर्वी राणाला तुरुंगातून सोडण्यात आले होते. मात्र, अमेरिकन प्रशासनाने त्याला पुन्हा अटक केली आहे. असे म्हटले जात आहे की, ट्रम्प प्रशासन भारताला मोठी मदत करत आहे. राणाच्या भारतातील प्रत्यार्पणाची आवश्यक कागदपत्रे तयार केली जात आहेत. राणाची शिक्षा २०२१मध्ये संपणार आहे. मात्र, त्याला त्याआधीच सोडून देण्यात आले होते.

या हल्ल्य़ाप्रकरणी अमेरिकेमध्ये तहव्वूर राणला अटक झाली होती. त्याच्यावरही खटला सुरु होता. अखेर अमेरिकी न्यायालयाने त्याला २०१३ मध्ये १४ वर्षांची शिक्षा सुनावली होती. या हल्ल्याचा मोठा मास्टरमाईंड पाकिस्तानचे संरक्षण असलेला हाफिज सईद उघड माथ्याने पाकिस्तानात फिरत आहे. राणा भारताच्या हाती आल्यास पुन्हा पाकिस्तानविरोधात भारताला आक्रमक होता येणार आहे.

राणाच्या प्रत्यार्पणाची कागदपत्रे तयार करणे काहीसे कठीण काम आहे. या प्रकरणामध्ये पाच प्रशासकीय संस्था येतात. भारताचे परराष्ट्र मंत्रालय, गृह मंत्रालय, कायदे मंत्रालय आणि अमेरिकेचे परराष्ट्र आणि कायदे मंत्रालय या सर्वांची वेगवेगळी प्रत्यार्पण प्रक्रिया आहे. यामुळे या पाचही विभागांना ताळमेळ ठेवून काम करावे लागणार आहे.

News English Summary: Mastermind terrorist Tahavur Hussain Rana has been arrested in the United States for plotting the 26/11 attacks in Mumbai in 2008. Rana has been arrested from Los Angeles, USA. Therefore, it is being said that Rana is likely to be extradited to India.

News English Title: Mastermind terrorist Tahavur Hussain Rana has been arrested in the United States for plotting the 26/11 attacks in Mumbai in 2008 News Latest Updates.