महत्वाच्या बातम्या

• 

  नेपाळमध्ये अतिवृष्टीमुळे २७ जणांचा मृत्यू तर ४०० जण जखमी

  नेपाळला सध्या अतिवृष्टी आणि वादळाचा तडाखा बसला आहे. अतिवृष्टीमुळे आतापर्यंत तब्बल २७ नागरिकांचा मृत्यू झाला असून ४०० पेक्षा अधिक नागरिक गंभीर जखमी झाले आहेत. हिमालयन टाइम्सच्या वृत्तानुसार नेपाळच्या दक्षिण जिल्ह्याला प्रचंड प्रमाणात वादळाचा फटका बसला आहे. परसा येथे वादळाच्या तडाख्यामध्ये अनेकांचे जीव गेले असून मृतांचा आकडा अजून वाढण्याची भिती जिल्हा पोलीस कार्यालयाने व्यक्त केली आहे.

  6 वर्षांपूर्वी
• 

  इस्त्रोची भव्य कामगिरी! एमिसॅटसह २८ देशांचे नॅनो उपग्रह अवकाशात झेपावले

  भारतीय अंतराळ संशोधन संस्था इस्त्रो आज आणखी एक नवा इतिहास रचला आहे. श्रीरहरिकोटाच्या सतीश धवन अंतराळ केंद्रावरून पीएसएलव्ही सी-४५द्वारे एमिसॅटसह विविध देशांचे नॅनो उपग्रह अवकाशात झेपावले आहेत. यात उपग्रहात भारताचा एक, अमेरिकेचे 24, लुथानियाचे 2 तर स्पेन आणि स्विजर्झलँडचे प्रत्येकी एक अशा तब्बल २९ उपग्रहांचा समावेश आहे.

  6 वर्षांपूर्वी
• 

  लोकसभा: ९ वर्षाच्या मेहनतीवर शास्त्रज्ञांना मोदींनी व्यक्तच होऊ दिलं नाही?

  आगामी लोकसभा निवडणुकांच्या पार्श्वभूमीवर पंतप्रधान नरेंद्र मोदी आज देशाला संबोधित केले. भारतीय शास्त्रज्ञांनी क्षेपणास्त्राच्या मदतीने अंतराळातील उपग्रह पाडण्यात यश मिळवले असून, ऑपरेशन शक्ती अंतर्गत करण्यात आलेल्या या यशस्वी प्रयोगामुळे भारत हा अंतराळात मारा करू शकणारा अमेरिका, रशिया, चीननंतरचा भारत हा चौथा देश बनला आहे. वास्तविक भारतीय शास्त्रज्ञ स्वतः यावर जवळपास मागील ९ वर्षांपासून मेहनत करत होते आणि सदर मिशन हे काँग्रेस राजवटीला असल्याने मोदींनी शास्त्रज्ञांना देखील त्यांचा आनंद व्यक्त करण्यास किंवा पत्रकार परिषद आयोजित करण्यास दिली नसल्याची चर्चा रंगली आहे. मोदींच्या शास्त्रज्ञांचे कौतुक केले पण, त्यासाठी देशाला संबोधित करण्यामागील हेतू वेगळाच असल्याचं प्रथम दर्शनी निदर्शनास येत आहे.

  6 वर्षांपूर्वी
• 

  भारतीय शास्त्रज्ञांची अंतराळ क्षेत्रात अभिमानास्पद कामगिरी

  पंतप्रधान नरेंद्र मोदी यांनी आपल्या अधिकृत ट्विटरवरून आज सकाळी ११:४५ ते १२:०० वाजताच्या दरम्यान मी जनतेशी संवाद साधून एक संदेश देणार असल्याचे म्हटले. जवळपास सव्वा बाराच्या सुमारास त्यांनी जनतेला संबोधित केले. भारताने आज अंतराळ क्षेत्राच्या इतिहासात मोठी झेप घेतली, असे म्हणत त्यांनी शास्त्रज्ञांनी मिशन शक्ती मोहीम यशस्वी झाल्याची घोषणा केली. अमेरिका, चीन, रशियानंतर हे पाऊल उचलण्यात भारताचा जगात चौथा क्रमांक ठरला आहे. निवडणुकीच्या पार्श्वभूमीवर ही अत्यंत महत्त्वाची घटना समजली जात आहे. विशेष म्हणजे ही मोहीम यशस्वी करताना कोणत्याही आंतरराष्ट्रीय कायद्याचं उल्लंघन केलं नसल्याचं मोदींनी सांगितलं. देशाला शास्त्रज्ञांचा अभिमान असल्याचं ते म्हणाले.

  6 वर्षांपूर्वी
• 

  जेट एअरवेजला बँकांच्या मदतीबाबत विजय मल्ल्याचा आक्षेप

  जेट एअरवेज ही कंपनी सध्या प्रचंड आर्थिक अडचणीत सापडली आहे. ही आर्थिक अडचण सोडवण्यासाठी मदतीला सरकारी बँका धावून आल्या, हे पाहायला फार छान वाटलं, परंतु अशीच मदत किंगफिशर एअरलाईन्सच्या आर्थिक अडचणीवेळी का करण्यात आली नाही, असा सवाल उद्योगपती विजय मल्ल्याने उपस्थित केला आहे. विजय मल्ल्याने ४ ट्विट करत जेट एअरवेज आणि किंगफिशर एअरलाईन्सला वेगळा न्याय का, असा प्रश्न विचारला आहे.

  6 वर्षांपूर्वी
• 

  चीनकडून पाकिस्तानला तब्बल २ अब्ज डॉलर्सचे कर्ज

  आर्थिक संकटात सापडलेल्या पाकिस्तानला चीनकडून तब्बल 2 अब्ज डॉलर्सचे कर्ज देणार आहे. चिनी सरकारकडून याबाबतच्या सर्व प्रक्रिया पूर्ण केल्या असून २५ मार्चपर्यंत स्टेट बँक ऑफ पाकिस्तानच्या खात्यात २.१ अब्ज अमेरिकी डॉलर्स (१५ अब्ज यूआन) जमा होतील असे पाकच्या वित्त विभागाचे प्रवक्ते खकान नजीब खान यांनी सांगितले.

  6 वर्षांपूर्वी
• 

  दिल्ली पाकिस्तानी उच्चायुक्तालयात पाकिस्तान राष्ट्रीय दिन साजरा, मोदींकडून शुभेच्छा

  पाकिस्तानच्या राष्ट्रीय दिनाच्या पूर्वसंध्येला शुक्रवारी पंतप्रधान नरेंद्र मोदी यांनी पाकिस्तानचे पंतप्रधान इम्रान खान यांना शुभेच्छा संदेश पाठवला. दिल्लीतील पाकिस्तानी उच्चायुक्तालयात होणाऱ्या राष्ट्रीय दिनाच्या कार्यक्रमावर भारताने बहिष्कार घातला. पण त्याचवेळी मोदींनी पाकिस्तानी जनतेला राष्ट्रीय दिनाच्या शुभेच्छाही दिल्या.

  6 वर्षांपूर्वी
• 

  #IPL२०१९: आजपासून आयपीएलचा धमाका सुरू

  बाराव्या आयपीएल चषक क्रिकेट स्पर्धेचा हंगाम आजपासून सुरू होत असून, सलामीच्या लढतीत महेंद्रसिंग धोनीचा गतविजेता चेन्नई संघ आणि विराट कोहलीचा बंगळुरू संघ यांच्यात मुकाबला होणार आहे. तीनवेळा ही स्पर्धा जिंकणारा चेन्नई संघ जेतेपदाचा चौकार मारण्यासाठी सज्ज झाला आहे.

  6 वर्षांपूर्वी
• 

  काँग्रेसनं पाकिस्तान राष्ट्रीय दिवस साजरा करण्यास सुरुवात केली: नरेंद्र मोदी

  काँग्रेसच्या परदेश विभागाचे अध्यक्ष आणि गांधी कुटुंबाचे निकटवर्तीय सॅम पित्रोडा यांच्या वादग्रस्त विधानांवर पंतप्रधान नरेंद्र मोदींनी तिखट प्रतिक्रिया व्यक्त केली आहे. पित्रोडांची विधानं अतिशय लज्जास्पद असून काँग्रेसनंपाकिस्तानचा राष्ट्रीय दिवस साजरा सुरू करण्यास केली आहे, अशा कडक शब्दांमध्ये मोदी बरसले आहेत. पुलवामा हल्ल्यामागे काहीजणांचा हात होता. त्यासाठी संपूर्ण देशाला जबाबदार धरायला नको, असं विधान पित्रोडा यांनी केलं. त्यावरुन मोदींनी सॅम पित्रोडा आणि राष्ट्रीय काँग्रेसवर हल्लाबोल केला.

  6 वर्षांपूर्वी
• 

  स्टर्लिंग बायोटेक घोटाळा: घोटाळेबाज गुजराती व्यापारी हितेश पटेल याला अल्बानियात अटक

  पीएनबी बँकेतील हजारो कोटी रुपयांच्या घोटाळ्यातील आरोपी निरव मोदी याला लंडनमध्ये अटक करण्यात आल्यानंतर भारताला आणखी एक यश आले आहे. ५ हजार कोटी रुपयांच्या घोटाळ्यातील आरोपी हितेश पटेल याला अल्बानियात अटक करण्यात आली आहे.

  6 वर्षांपूर्वी
• 

  देशातील मोबाईल क्रांतीचे जनक विचारतात, 'बालाकोटमध्ये खरंच ३०० दहशतवादी मारले का?'

  पुलवामा हल्ल्यानंतर भारतीय हवाई दलाने पाकिस्तानात घुसून बालाकोट येथील दहशतवाद्यांच्या तळांवर केलेल्या हवाई हल्ल्यावर सॅम पित्रोदा यांनी प्रश्न उपस्थित केले आहे. सॅम पित्रोदा हे गांधी घराण्याचे निकटवर्तीय असले तरी नरेंद्र मोदी गुजरातचे मुख्यमंत्री असताना २०११ साली गुजरातमध्ये आयोजित करण्यात आलेल्या व्हायब्रण्ट गुजरात समिट वेळी त्यांना विशेष निमंत्रण देण्यात आलं होतं. विशेष म्हणजे सॅम पित्रोदा हे भारतातील मोबाईल क्रांतीचे जनक म्हणून परिचित आहेत आणि राजीव गांधी पंतप्रधान असताना टेलिकॉम क्रांती झाली त्यात त्यांची मोलाची भूमिका होती.

  6 वर्षांपूर्वी
• 

  पाकड्यांकडून पुन्हा शस्त्रसंधीच उल्लंघन, एक भारतीय जवान शहीद

  संपूर्ण देशभरात आज होळी मोठ्या उत्साहात साजरी होत असताना दुसरीकडे सीमेवर भारत-पाकिस्तान यांच्यातील तणाव कायम आहे. होळीच्या दिवशी पाकिस्तानकडून शस्त्रसंधीचे उल्लंघन करण्यात येत आहे. जम्मू काश्मीरच्या राजौरी जिल्ह्यातील सुंदरबनी सेक्टरमध्ये पाकिस्तानच्या सैन्याकडून जोरदार गोळीबारी करण्यात येत आहे.

  6 वर्षांपूर्वी
• 

  चौकीदारने नाही! लंडनमधील मेट्रो बँकेच्या सतर्क कर्मचाऱ्याने स्कॉटलँड यार्ड पोलिसांना कळवले

  भारतातील बहुचर्चित पंजाब नॅशनल बँकेतील महाघोटाळ्याचा प्रमुख सूत्रधार हिरे व्यापारी नीरव मोदी याला इंग्लंडमधील स्कॉटलँड यार्डने अटक केली आहे. विशेष म्हणजे भारतातील चौकीदार सतर्क असल्याच्या भारतीय प्रसार माध्यमांमध्ये बातम्या झळकत असल्या तरी त्यामागील वास्तव वेगळंच आहे. कारण लंडनमध्ये वास्तव्यास असलेला नीरव मोदी मेट्रो बँकेत खाते उघडण्यासाठी गेला होता आणि त्यावेळी त्याच बँकेतील सतर्क कर्मचाऱ्याने लंडनमध्ये झळकलेल्या वृत्तानुसार त्याला अचूक ओळखले आणि त्याला बेसावध ठेवून पोलिसांना कळवले आणि अखेर तो पोलिसांच्या जाळ्यात अडकला, अशी माहिती समोर आली आहे.

  6 वर्षांपूर्वी
• 

  पीएनबी बँक घोटाळा: नीरव मोदीला लंडनमध्ये अटक

  पंजाब नॅशनल बँकेला हजारो कोटींचा चुना लावून पळून गेलेला हिरे व्यापारी नीरव मोदी याला लंडन येथून अटक करण्यात आली आहे. त्याला लंडन येथील कोर्टात हजर केले जाणार आहे. भारतात घोटाळा करुन फरार झालेल्या या उद्योगपतीविरोधात लंडनमधील वेस्ट मिनिस्टर न्यायालयाने अटक वॉरंट जारी केले होते. भारतात प्रत्यार्पण करण्याच्या प्रकरणाची आता सुनावणी न्यायालयात केली जाणार आहे. याचदरम्यान, सूत्रांकडून मिळालेल्या माहितीनुसार, अंमलबजावणी संचालनालयाकडून नीरव मोदीची संपत्ती विकली जाऊ शकते.

  6 वर्षांपूर्वी
• 

  भाऊ आला धावून; ४६२ कोटींचे कर्ज फेडल्यामुळे अनिल अंबानींची तुरुंगवारी वाचली

  रिलायन्स इंडस्ट्रिजचे चेअरमन मुकेश अंबानी यांनी आपल्या लहान भावाला मोठ्या संकटातून वाचवले आहे. एरिक्सन या कंपनीला देण्यासाठी पैसे नसल्याने अनिल अंबानी यांना तुरुंगवास भोगावा लागणार होता. मात्र मुकेश अंबानी यांनी अनिल यांच्यावरील ४६२ कोटींचे कर्ज फेडल्यामुळे त्यांच्यावरील अटकेचे संकट आता टळले आहे. या कठीण प्रसंगात साथ दिल्याने अनिल अंबानी यांनी भाऊ मुकेश अंबानी आणि वाहिनी नीता अंबानी यांचे आभार मानले आहेत.

  6 वर्षांपूर्वी
• 

  राजौरीमध्ये पाककडून पुन्हा शस्त्रसंधीचे उल्लंघन

  राजौरीमध्ये पाक सैन्याकडून वारंवार शस्त्रसंधीचे उल्लंघन केले जात आहे. राजौरीमध्ये आज पुन्हा एकदा पाकिस्तानकडून शस्त्रसंधीचे उल्लंघन करण्यात आले. भारतीय लष्कराच्या जवानांनी पाकिस्तानी सैनिकांना चोख प्रत्युत्तर देत गोळीबार केला. दरम्यान, दोन्ही बाजूंचा गोळीबार थांबला असल्याचे समजते.

  6 वर्षांपूर्वी
• 

  शत्रूंनी घेरलेल्या इस्रायलनं गाझावर केला एअर स्ट्राइक, 100 ठिकाणी मिसाइल अटॅक

  इस्राईल हे राष्ट्र असंख्य शत्रू राष्ट्रांनी घेरलेलं आहे, त्यांचे सगळे शेजारी म्हणजे त्यांचे कट्टर दुश्मन. त्यातल्याच १ म्हणजे “गाझा”. सध्या इस्राईल मध्ये निवडणुकीचे वारे आहेत आणि यादरम्यान इस्रायलची राजधानी तेल अविववर 2014 नंतर पहिल्यांदाच रॉकेटनं हल्ला करण्यात आला. इस्राईल ची राजधानी तेल अविववर ४ रॉकेट्स चा हल्ला करण्यात आला, त्यातील ३ रॉकेट इस्राईलच्या रॉकेट डिफेन्स सिस्टीमने निष्क्रिय केले.

  6 वर्षांपूर्वी
• 

  पाकिस्तानी शरीफ माणसांच्या भेटी, गुजरातमधील झोकाळे आणि फसलेली परराष्ट्रनीती?

  युनो’मध्ये घडलेल्या घडामोडीने आज नरेंद्र मोदींची परराष्ट्रनीती किती फसवी होती याचा प्रत्यय करून दिला आहे. २०१४ नंतर राष्ट्रीय प्रतिमा तयार होण्याआधीच स्वतःला आंतराष्ट्रीय स्तरावर मोठं करण्यासाठी परदेशात देखील अनेक इव्हेंट शिस्तबद्ध आयोजित करण्यात आले आले. त्यात अनेक निर्णय आकस्मितपणे घेतले गेले आणि त्यात प्रमुख म्हणजे पाकिस्तानमधील नवाज शरीफ यांची आकस्मित भेट. कारण २०१४ पासून ‘मोदींचा मास्टरस्ट्रोक’ नावाच्या ठळक हेडलाईन म्हणजे सध्याच्या पेड प्रसार माध्यमांना जडलेला आजारंच म्हणावा लागेल.

  6 वर्षांपूर्वी
• 

  जगभरात फेसबुक, इन्स्टाग्राम, ट्विटरवर तक्रारींचा पाऊस

  भारतासह अमेरिका, युरोप आणि जगातील अनेक ठिकाणी फेसबुक आणि इन्स्टाग्राम ठप्प झालं आहे. जवळपास ३० मिनिटांपासून फेसबुक आणि इन्स्टाग्राम ठप्प आहे. लाखो फेसबुक युजर्सचं अकाऊंट सुरू होत नाहीय, तर अनेकांना लाईक आणि कमेंट करताना प्रचंड अडचणींचा सामना करावा लागत आहे. याशिवाय इन्स्टाग्रामवरही फोटो अपलोड करताना त्रास सहन करावा लागतो आहे. यामुळे ट्विटरवर तक्रारींचा अक्षरश: पाऊस पडला आहे.

  6 वर्षांपूर्वी
• 

  मसूद अजहरला युनोत जागतिक दहशतवादी घोषित करण्यात चीनचा सुरुंग

  जैश-ए-मोहम्मदचा म्होरक्या मसूद अजहरला आंतरराष्ट्रीय दहशतवादी घोषित करण्याच्या भारताच्या प्रयत्नांना चीननं पुन्हा एकदा सुरुंग लावला आहे. मसूद अजहरला आंतरराष्ट्रीय दहशतवादी घोषित करण्यासाठी संयुक्त राष्ट्रात प्रस्ताव आणण्यात आला होता. परंतु चीननं नकाराधिकाराचा वापर केला. त्यामुळे भारताला पुन्हा एकदा धक्का बसला आहे. अजहरला जागतिक दहशतवादी घोषित करण्याचे प्रयत्न निष्फळ ठरवण्याची चीनची ही चौथी वेळ आहे.

  6 वर्षांपूर्वी