कोरोनावर अत्यंत प्रभावी ठरतंय ‘डेक्सामेथासोन’ औषध....सविस्तर

नवी दिल्ली, १६ जून: डॉक्टरांना कोरोना विषाणूवरच्या उपचारांसाठी प्रभावी औषधाची माहिती मिळाली आहे. बीबीसीच्या वृत्तानुसार, हे एक जुने आणि स्वस्त औषध आहे. या औषधाच्या मदतीनं कोरोना विषाणूमुळे गंभीर आजारी असलेल्या लोकांचे जीव वाचविण्यात यश आले आहे.

Dexamethasone असे या औषधाचे नाव आहे. ब्रिटनमधील तज्ज्ञ म्हणतात की, हे एक मोठे यश आहे. डेक्सामेथासोन या औषधाचे डोस कोरोनाशी लढायला मदत करतात. चाचणीदरम्यान असे आढळले की, व्हेंटिलेटरवर असणाऱ्या रुग्णांना हे औषध दिल्यास मृत्यूचा धोका एक तृतीयांश कमी झाला आहे. ऑक्सिजनवर असणाऱ्या रुग्णांना या औषधाचा अधिक फायदा होतो. ज्या रुग्णांना ऑक्सिजन पुरवठा आवश्यक आहे, अशा रुग्णांमध्ये मृत्यूचा धोका जास्त असतो.

कोरोना विषाणूच्या २० रुग्णांना डेक्सामेथासोन औषध देण्यात आले. यापैकी १९ जणांना रुग्णालयात येण्याची गरजच लागली नाही. आणि ते घरीच बरे झाले. त्याचबरोबर रुग्णालयात दाखल झालेल्या अतिजोखमीच्या रुग्णांनाही याचा फायदा झाला.

या औषधाचा वापर करून हा धोका कमी करता येऊ शकतो. जगातील सर्वात मोठ्या चाचण्यांमध्येही डेक्सामेथासोन औषधाचा समावेश करण्यात आलेला आहे. संशोधकांचा असा अंदाज आहे की, जर आधी हे औषध ब्रिटनमध्ये उपलब्ध असते तर कोरोनापासून ५००० लोक वाचू शकले असते, कारण हे औषध देखील स्वस्त आहे.

त्यामुळे जगातील बहुतांश देशांना त्रस्त करुन सोडणाऱ्या कोरोना व्हायरसवर अखेर प्रभावी ठरणारे एक औषध शास्त्रज्ञांनी शोधून काढले आहे. या औषधाचा वापर करुन करोनामुळे चिंताजनक प्रकृती असलेल्या रुग्णांचे प्राण वाचवता येणे शक्य आहे. हे जेनेरिक स्टेरॉइड प्रकारातील औषध आहे. या औषधामुळे मृत्यू दर कमी होत असल्याचे समोर आले आहे. डेक्सामेथासोनचा कमी प्रमाणात डोस देऊन गंभीर अवस्था असलेल्या तीन रुग्णांपैकी एकाचे प्राण वाचवता येतात. संशोधकांनी अभ्यासातून हा निष्कर्ष मांडला आहे. रॉयटर्सने देखील याबाबत वृत्त दिले आहे.

News English Summary: The name of this medicine is Dexamethasone. Experts in Britain say this is a great achievement. Doses of dexamethasone help fight corona. During the trial, it was found that giving the drug to patients on a ventilator reduced the risk of death by a third.

News English Title: Research says Doses of dexamethasone help fight corona News latest Updates.