भारतात इटलीसारखी स्थिती निर्माण होणार, अमेरिकन वैज्ञानिक स्टीव्ह हॅक यांचा दावा

न्यूयॉर्क, १३ जून : कोरोनाच्या संसर्गावर देखरेख ठेवणाऱ्या अमेरिकेतील जॉन हॉपकिन्स विद्यापीठातील वैज्ञानिक स्टीव्ह हॅक यांनी भारताला सडलेले सफरचंद संबोधले आहे. भारत करत असलेल्या कोरोनाच्या उपाययोजनांवर त्यांनी तीव्र नाराजी व्यक्त केली आहे .प्रा .स्टीव्ह हॅक यांनी भारतासह व्हेनेझुएला, इजिप्त, सीरिया, येमेन, तुर्की आणि चीनवर देखील टीका केली आहे.

हे देश कोरोनाशी संबंधित आकडेवारीची माहिती देत नाहीत. तसेच संशयित आकडेवारी देत आहेत. प्रा. हॅक यांनी याबाबीत आपल्या ट्विटमध्ये विद्यापीठातील आकडेवारीचा ग्राफच दिला आहे. भारतात फारच कमी प्रमाणात कोरोनाची चाचणी होत असून इथे इटलीसारखी परिस्थिती उदभवणार असल्याचा इशारा त्यांनी दिला आहे. याआधी देखील त्यांनी भारत करत असलेल्या कोरोनाविरोधातील उपाययोजना बाबत टीका केली होती.

दरम्यान, जगातले १९० देश या व्हायरसमुळे ग्रासले आहेत. काही देशांनी व्हायरसवर नियंत्रण मिळवलेलं असलं तरी त्याचा धोका टळलेला नाही. जगात या व्हायरसमुळे तब्बल १० कोटी लोकांचा मृत्यू होऊ शकतो अशी भीती जगप्रसिद्ध Lancet मासिकात आलेल्या एका संशोधन अहवालात व्यक्त करण्यात आली आहे. Active case finding with case management: The key to tackling the COVID-19 pandemic असं लांबलचक शिर्षक या लेखाचं असून चीनचे तत्ज्ञ डॉक्टर गाओ फू यांच्या नेतृत्वाखाली हा लेख तज्ज्ञ डॉक्टरांनी लिहिला आहे.

१९१८ मध्ये आलेल्या महामारीत जगात कोट्यवधी लोकांचा बळी गेला होता. त्यापेक्षाही कोरोनाची साथ भयानक असल्याचं त्यात म्हटलं आहे. इतर साथीच्या आजारांपेक्षा कोरोनाचा आजार भयंकर आहे. त्याच बरोबर त्याचा मृत्यूदरही जास्त असल्याचं निरिक्षण यात नोंदविण्यात आलं आहे.

News English Summary: Steve Hack, a scientist at Johns Hopkins University in the United States who monitors coronary infections, has called India a rotten apple. He has expressed his displeasure over the corona measures being taken by India.

News English Title: Steve Hack a scientist at Johns Hopkins University in the United States who monitors coronary infections has called India a rotten apple News Latest Updates.