अमेरिका: २४ तासांत ३,१७६ रुग्णांचा मृत्यू; एकूण मृतांचा आकडा ५० हजारावर

नवी दिल्ली, २४ एप्रिल: चीनच्या वुहानमधून सुरु झालेला कोरोना विषाणूच्या प्रार्दुभावामुळे आज जगातले अनेक देश लॉकडाऊन आहेत. इटली, स्पेन, जर्मनी, अमेरिका या देशांत या विषाणूचा तांडव सुरु आहे. अमेरिकेत तर या विषाणूचा कहर पाहायला मिळाला. गेल्या २४ तासांत अमेरिकेत कोरोना विषाणूमुळे मृत्युमुखी पडलेल्यांची संख्या ही ३ हजार १७६ आहे. येथे आतापर्यंत ५० हजार लोकांनी आपले प्राण गमावले असल्याची माहिती एएफपी वृत्तसंस्थेनं जॉन्स हॉपकिन्सच्या आकडेवारीनुसार दिली आहे.

जगातील जवळपास २१० देशांमध्ये करोनाचा संसर्ग फैलावला आहे. अनेक देशांनी करोनाच्या संसर्गाला अटकाव करण्यासाठी लॉकडाउन जाहीर केला आहे. तर, अमेरिकेत पूर्णपणे लॉकडाउन जाहीर करण्यात आला नाही. मात्र, नागरिकांना घरात राहण्याचे आवाहन करण्यात आले आहे. जगभरात २७ लाख नागरिकांना करोनाची बाधा झाली असून मृत्यूची संख्या १ लाख ८० हजारांहून अधिक झाली आहे.

United States records 3,176 #Coronavirus deaths in 24 hours; total fatalities near 50,000: AFP news agency quoting Johns Hopkins tally

— ANI (@ANI) April 24, 2020

अमेरिकेत सध्या ८ लाख ८७ हजार ७८७ लोकांना कोरोना विषाणूची बाधा झाली आहे, तर आतापर्यंत ८१ हजार ७९२ रुग्णांनी कोरोनावर मात केली आहे. दरम्यान हा काही फ्ल्यू नाही, हा तर अमेरिकेवर झालेला हल्ला आहे, असे अमेरिकेचे राष्ट्राध्यक्ष डोनाल्ड ट्रम्प यांनी म्हटले आहे. व्हाईट हाऊसमध्ये नैमित्तिक पत्रकार परिषदेत त्यांनी आपली ही भूमिका मांडली.

इतर देशांच्या तुलनेत भारतात ५ लाख चाचण्यांमागे पॉझिटिव्ह रुग्ण आढळल्याचे प्रमाण ४.५ टक्के आहे. अमेरिकेत २६ मार्चला ५ लाख चाचण्यांनंतर ८० हजार रुग्ण सापडले होते. यावरून जगाच्या तुलनेत भारताचे धोरण आतापर्यंत प्रभावी ठरल्याचा दावा पर्यावरण सचिव व एमपॉवर्ड ग्रुप-२ चे अध्यक्ष सी. के. मिश्रा यांनी केला आहे.

News English Summary: Many countries in the world are locked down today due to the outbreak of the corona virus, which started in Wuhan, China. The virus is endemic in Italy, Spain, Germany and the United States. The virus was found in the United States. The number of deaths from the corona virus in the United States in the last 24 hours is 3,176. As many as 50,000 people have been killed so far, according to Johns Hopkins.

News English Title: Story America records 3176 Corona virus deaths in 24 hours total fatalities near 50000 Covid 19 News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.