ब्राझीलच्या अध्यक्षांना राम-लक्ष्मण, हनुमान, संजीवनी सर्व माहिती? हेडलाईन'मॅनेजमेंटची नेटिझन्सची टीका

नवी दिल्ली, ०८ एप्रिल: ब्राझीलमध्येही करोनाही थैमान घातलं असून आतापर्यंत हजारोंना विषाणूंची लागण झाली असून शेकडो नागरिकांचा मृत्यू झाला आहे. मात्र यानंतरही काही दिवसांपर्यंत ब्राझीलचे अध्यक्ष जैर बोल्सोनारो लॉकडाउनच्या विरोधात होते. जैर बोल्सोनारो यांना कोरोनामुळे होणाऱ्या मृत्यूंपेक्षा अर्थव्यवस्थेची चिंता जास्त सतावत होती. विशेष म्हणजे कोरोनामुळे होणाऱ्या मृत्यूंसंबंधी बोलताना त्यांनी एक धक्कादायक वक्तव्य केलं होतं. त्यावर बोलताना ते म्हणाले होते की एक दिवस असेही आपण सगळे मरणार आहोत आणि त्यानंतर त्यांच्यावर जगभरातून टीका झाली होती.

जैर बोल्सोनारो यांनी करोनाला अत्यंत सामान्य फ्लू म्हटलं होतं आणि त्यामुळे देशातील नागरिकांना अर्थव्यवस्था थांबता कामा नये असं आवाहन केलं होतं.जगातील देश आपल्या नागरिकांना घरी बसण्याचे आवाहन करत होते तेव्हा जैर बोल्सोनारो लोकांना वारंवार कामावर परतण्याचं आवाहन करत होते. इतकंच नाही तर सोशल डिस्टन्सिंगचा सल्ला मान्य करण्यास ते नकार देत होते. त्यानंतर त्यांची तुलना थेट पाकिस्तानचे पंतप्रधान अमरान खाम यांच्याशी केली गेली होती.

मात्र आता भारतातील प्रसार माध्यमांमध्ये त्यांच्याबाबत प्रसिद्ध होणाऱ्या वृत्तामुळे समाज माध्यमांवर भाजपविरुद्ध टीकेची झोड उठवण्यात आल्याचं पाहायला मिळत आहे. तसेच दोन देशांच्या प्रमुख नेत्यांमधील पत्रात झालेला संवाद धार्मिक स्वरूपात प्रसार माध्यमांपर्यंत पोहोचवला गेल्याचा आरोप केला आहे. कारण पंतप्रधान नरेंद्र मोदी यांची तुलना थेट बजरंगबली हनुमान यांच्याशी केली आहे. तर पाठवण्यात आलेले औषध हाइड्रोक्‍सीक्‍लोरोक्‍वीनची तुलना संजीवनी औषधी वनस्पतीसोबत (संजीवनी बूटी) केली आहे.

ब्राझीलचे राष्‍ट्रपती जैर एम. बोल्‍सोनारो यांनी पंतप्रधान नरेंद्र मोदी यांना एक पत्र लिहिले आहे. या पत्रात त्यांनी लिहिले आहे, की ‘भगवान रामचंत्र यांचा भाऊ लक्ष्‍मण यांचे प्राण वाचवण्यासाठी हिमालयातून औषध (संजिवनी औषधी वनस्पती) घेऊन येणारे भगवान हनुमान आणि रुग्णांना बरे करणारे येशू मसीह यांच्याप्रमाणेच भारत आणि ब्राझील मिळून या जागतिक संकटाचा सामना करतील. ब्राझीलमध्ये बुधवारपर्यंत १४ हजारहून अधिक लोकांना कोरोनाची लागणं झाल्याचे समजते.

News English Summary: Brazilian President Jared M. Bolsonaro has written a letter to Prime Minister Narendra Modi. In this letter, he writes that India and Brazil will face this global crisis as Lord Hanuman, who brought medicine (Sanjeevani herbs) from the Himalayas to save God Rama’s brother Laxman’s life, and Jesus Christ who healed the sick. In Brazil, more than 14,000 people are reported to have coronary infections by Wednesday.

News English Title: Story Brazil president Bolsonaro compare PM Narendra Modi lord Hanuman Covid19 News Latest Updates.