कोरोना आपत्ती: अमेरिकेने १ लाख शव बॅगेची मागणी केल्याने धास्ती वाढली

वॉशिंग्टन डीसी, २ एप्रिल: जगात अमेरिका आणि कोरोनाचं मुख्य केंद्र झालं आहे. अमेरिकत न्यूयॉर्क शहर कोरोनामुळे कोलमडून पडलंय. मृतांची संख्या एवढी आहे की हॉस्पिटल्समधल्या सगळ्या जागा कमी पडत आहेत. इतर शहरांमध्येही हीच परिस्थिती असल्याने मृतदेह झाकायला आणि ठेवायला शवपेट्या आणि ‘बॉडी बॅग’ कमी पडत आहेत. त्यामुळे मृतदेहांची विल्हेवाट लावायची कशी असा प्रशासनापुढे प्रश्न पडलाय. एकट्या न्यूयॉर्क शहरात ११३९ जणांचा मृत्यू झाला आहे. तर अमेरिकेत ही संख्या ५११५ एवढी झालीय. अमेरिकेत पुढच्या काही महिन्यांमध्ये तब्बल २ लाख लोकांचा मृत्यू होऊ शकतो अशी भीती काही तज्ज्ञांनी व्यक्त केली आहे.

From the U.S. Pentagon ordering body bags for civilians to over 200,000 cases of COVID-19 across the country, this is the news of the day.https://t.co/S6dewfVCPi

— CGTN America (@cgtnamerica) April 1, 2020

जगभरात करोनाच्या संसर्गामुळे भीतीचे वातावरण निर्माण झाले आहे. इटली, स्पेन सारखे देश कोलमडून पडले असल्याची स्थिती निर्माण झाली आहे. तर, जागतिक महासत्ता असलेल्या अमेरिकेतही करोनाचा संसर्ग वेगाने फैलावत आहे. अमेरिकेत मृत्यूंचे तांडव होण्याचा इशारा संशोधकांनी दिला असतानाच प्रत्यक्ष पेंटागॉनने एक लाख शव बॅगांची ऑर्डर दिल्याचे वृत्त आहे.

अमेरिकेत सध्या २ लाख १६ हजार १५४ लोकांचा कोरोनाची लागण झाली आहे. तर, ५ हजार ११५ पेक्षा अधिक लोकांचा मृत्यू झाला आहे. दरम्यान येत्या काळात मृतांच्या संख्या वाढण्याची शक्यता वर्तवण्यात आली आहे. अमेरिकेतील एकूण रुग्णांच्या तब्बल ८०% रुग्ण हे न्यूयॉर्कमध्ये आहेत. सध्या वैद्यकीय कर्मचाऱ्यांवर सर्वात जास्त भार आहे.

News English Summary: The United States and Corona have become major centers in the world. In the United States, New York City has collapsed due to Corona. The death toll is so high that all the places in hospitals are shrinking. In other cities this is the same situation as coffins and ‘body bags’ are being dropped to cover and store the bodies. As such, there has been a question before the administration on how to dispose of the bodies. In New York City alone, 1,139 people have died. In the United States, the number has grown to 5,115. Some experts fear that as many as 2 million people will die in the United States in the next few months.

News English Title: Story Corona virus crisis in America Pentagon seeking 100000 body bags for civilians News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.