मागील २४ तासांत अमेरिकेत कोरोना विषाणूमुळे २७५१ जणांचा मृत्यू

वॉशिंग्टन, २२ एप्रिल: कोरोनामुळे जगभरात आतापर्यंत एक लाख ७० हजार जणांचा मृत्यू झाला असून त्यामध्ये युरोपमधील एक लाख सहा हजार ७३७ जणांचा समावेश आहे. अमेरिकेत सर्वाधिक म्हणजे ४२ हजार ३६४ जणांचा, इटलीमध्ये २४ हजार ११४ जणांचा, स्पेनमध्ये २१ हजार २८२ जणांचा, फ्रान्समध्ये २० हजार २६५ जणांचा आणि ब्रिटनमध्ये १६ हजार ५०९ जणांचा मृत्यू झाला आहे. जगभरात करोनाबाधितांची संख्या २४ लाख ८३ हजार ८६ इतकी आहे.

परंतु, अमेरिकेत या विषाणूने अक्राळ-विक्राळ रुप धारण केले आहे. कोरोनाचा सर्वाधिक फटका आता अमेरिकेला बसल्याचे जाणवत आहे. अमेरिकेत मृत्यूचा नवा विक्रम नोंदला जात आहे. मागील २४ तासांत अमेरिकेत कोरोना विषाणूमुळे २७५१ जणांचा मृत्यू झाला आहे. मंगळवारी जॉन हॉपकिन्स यूनिवर्सिटीने ही माहिती दिली आहे.

जॉन हॉपकिन्स यूनिवर्सिटीच्या आकडेवारीनुसार, अमेरिकेत कोविड-१९ विषाणूमुळे आतापर्यंत ८००००० प्रकरणे समोर आली आहेत. तर ४४८४५ लोकांना आपला जीव गमवावा लागला आहे. त्याचबरोबर सोमवार आणि मंगळवारी कोरोनाच्या नवीन ४०००० प्रकरणांची नोंद झाली आहे.

News English Summary: The virus has become infectious in the United States. Corona’s biggest hit now seems to be sitting in the United States. A new death record is being set in the United States. In the past 24 hours, 2751 people have died in the United States due to the Corona virus. This information was provided by Johns Hopkins University on Tuesday.

News English Title: Story Corona virus Death toll in america 2700 dead in USA from Covid 19 in last 24-hours News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.