नोकऱ्यांवरून अमेरिकेत पुन्हा 'अमेरिकन फर्स्ट'चा नारा; डोनाल्ड ट्रम्प यांचं ट्विट

नवी दिल्ली, २४ एप्रिल: चीनच्या वुहानमधून सुरु झालेला कोरोना विषाणूच्या प्रार्दुभावामुळे आज जगातले अनेक देश लॉकडाऊन आहेत. इटली, स्पेन, जर्मनी, अमेरिका या देशांत या विषाणूचा तांडव सुरु आहे. अमेरिकेत तर या विषाणूचा कहर पाहायला मिळाला. गेल्या २४ तासांत अमेरिकेत कोरोना विषाणूमुळे मृत्युमुखी पडलेल्यांची संख्या ही ३ हजार १७६ आहे. येथे आतापर्यंत ५० हजार लोकांनी आपले प्राण गमावले असल्याची माहिती एएफपी वृत्तसंस्थेनं जॉन्स हॉपकिन्सच्या आकडेवारीनुसार दिली आहे. मात्र आता अमेरिकेला मोठ्या बेरोजगारीचा सामोरं जावं लागणार असल्याने ट्रम्प सरकार सतर्क झाल्याचं पाहायला मिळत आहे.

अमेरिकेत जारी करण्यात आलेल्या ताज्या आकडेवारीनुसार बेरोजगारीचा दर १९३० च्या महामंदीनंतर सर्वाधिक झाला आहे. कोरोना विषाणूच्या प्रादुर्भावामुळे प्रत्येक सहापैकी एका अमेरिकन कामगाराला नोकरीतून काढण्यात आले आहे. आर्थिक संकटाचा सामना करण्यासाठी अमेरिकन संसदेने सुमारे ५०० अब्ज अमेरिकन डॉलरच्या पॅकेजला मंजुरी देण्यात आली आहे. सरकारने सांगितले की, मागील आठवड्यात ४४ लाखांहून अधिक लोकांनी बेरोजगारीच्या लाभासाठी अर्ज केला आहे. त्याचबरोबर मागील पाच आठवड्यात सुमारे २.६ कोटी लोकांनी यासाठी अर्ज केला आहे.

त्यात राष्ट्राध्यक्ष डोनाल्ड ट्रम्प यांनी पुन्हा ‘अमेरिकन फर्स्ट’चा नारा दिला आहे. त्यानुसार आगामी काळात अमेरिकेतील रोजगार हा अमेरिकेतील लोकांनाच मिळावा यासाठी इमिग्रेशन बिल पास केलं असून, त्यानुसार तात्पुरत्या स्वरूपात परदेशातील लोकांवर अमेरिकेत नोकरीच्या निमित्ताने येण्यावर बंदी घातली आहे आणि भविष्यात अमेरिकन नागरिकांना अधिक नोकऱ्या कशा उपलब्ध करून देता येतील यावर लक्ष केंद्रित केलं आहे. स्वतः ट्रम्प यांनी त्यासंदर्भात दुसऱ्यांदा ट्विट करून माहिती दिली आहे.

Fully signed and ready to go! https://t.co/MdpgII3kuq

— Donald J. Trump (@realDonaldTrump) April 23, 2020

News English Summary: President Donald Trump has once again given the slogan ‘American First’. The bill seeks to temporarily ban foreigners from coming to the United States for employment, focusing on how to provide more jobs to American citizens in the future. Trump himself has tweeted for the second time.

News English Title: Story Unemployment rate highest in America due to corona pandemic after Great recession of 1930 Covid 19 American First News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.