कोरोना आपत्ती: ब्रिटनचे पंतप्रधान बोरिस जॉन्सन यांची प्रकृती खालावल्याने आयसीयूत

लंडन, ६ एप्रिल: ब्रिटनचे पंतप्रधान बोरिस जॉन्सन हे सध्या करोनाशी लढा देत आहेत. गेल्या आठवड्यात त्यांना लागण झाल्याचं समोर आलं होतं. स्वतःच विलगीकरण केल्यानंतरही जॉन्सन यांच्या प्रकृतीत सुधारणा होत नसल्यानं सोमवारी त्यांना रुग्णालयात हलवण्याचा निर्णय घेण्यात आला. दरम्यान, रुग्णालयात उपचार सुरू असतानाच जॉन्सन यांची प्रकृती आणखी खालावली आहे. त्यामुळे त्यांना आयसीयूमध्ये हलवण्यात आलं आहे.

UK Prime Minister Boris Johnson, who had tested positive for #Coronavirus late last month, has been taken to intensive care: UK media (File pic) pic.twitter.com/IWJSET3SEV

— ANI (@ANI) April 6, 2020

बोरिस यांना कोरोनाची लागण होऊन दहा दिवस पूर्ण झाले आहेत. डॉक्टरांच्या एका चमूच्या देखरेखीखाली बोरिस यांच्यावर उपचार सुरु आहेत. मात्र त्यांची प्रकृती सोमवारी दुपारी खालावली त्यामुळे डॉक्टरांच्या सल्ल्यावरुन त्यांना आयसीयूत दाखल करण्यात आलं आहे. बोरिस हे आयसीयूत असल्यानं त्यांच्या पदाची संपूर्ण जबाबदारी परराष्ट्रमंत्री डोमनिक रॉब यांच्या खांद्यावर सोपवण्यात आली आहे. कोरोना विषाणूची लागण झाल्यानंतर त्यांनी देशातील जनतेला पत्राच्या माध्यमातून आवाहन केले, ‘घरात सुरक्षित राहा. परिस्थिती आणखी बिघडण्याची शक्यता आहे.’ अशी विनंती त्यांनी पत्रातून केली होती.

BREAKING# UK foreign minister Dominic Raab to deputise for ill PM Johnson: office pic.twitter.com/nnhDuVOFBp

— AFP news agency (@AFP) April 6, 2020

याशिवाय ब्रिटनच्या पीएमओनेही यासंबंधी ट्वीट करत बोरिस यांच्या प्रकृतीची माहिती दिली. ‘बोरिस यांना इस्पितळात भरती करण्यात आलं आहे. घाबरण्यासारखं काही कारण नाही आणि जॉनसनच देशाचा कारभार पाहत आहेत आणि देशाचे प्रमुख म्हणून काम करत आहेत.’ आयसोलेशन दरम्यानही बोरिस यांनी काम करणं सोडलं नव्हतं. ते व्हिडिओद्वारे आपल्या जनतेशी संवाद साधायचे. शुक्रवारी प्रसिद्ध केलेल्या व्हिडिओमध्ये बोरिस जॉनसन यांनी प्रकृतीत सुधार असल्याचं सांगितलं होतं.

Last night, on the advice of my doctor, I went into hospital for some routine tests as I’m still experiencing coronavirus symptoms. I’m in good spirits and keeping in touch with my team, as we work together to fight this virus and keep everyone safe.

— Boris Johnson #StayHomeSaveLives (@BorisJohnson) April 6, 2020

News English Summary: British Prime Minister Boris Johnson is currently fighting Corona. Last week, she was diagnosed with an infection. It was decided to move him to the hospital on Monday, after Johnson’s disposition did not improve after his own separation. Meanwhile, Johnson’s condition has worsened as he is being treated at the hospital. So they have been moved to the ICU.

News English Title: Story United Kingdom PM Boris Johnson moved to ICU as Corona Virus symptoms worsen Covid19 News Latest Updates.