जॉर्जियात बायडेन यांना आघाडी | डोनाल्ड ट्रम्प समर्थकांची चिंता वाढली

वॉशिंग्टन, ६ नोव्हेंबर: अमेरिकेत राष्ट्राध्यक्षपदाच्या निवडणुकीची चुरस अजून देखील संपलेली नसून मतमोजणी सुरूच आहे. अजून देखील काही महत्वाच्या राज्यात मतमोजणी सुरु आहे. महत्वाचं म्हणजे विद्यमान राष्ट्राध्यक्ष डोनाल्ड ट्रम्प आणि डेमोक्रॅटिक उमेदवार जो बायडेन यांच्या दरम्यान अत्यंत कमी फरकाने झुंज दिसत असली तरी आता जो बायडेन यांनी आघाडी घेतल्याचं पाहायला मिळत आहे.

यूएसमधील नेवाडा, पेनसिल्व्हेनिया, जॉर्जिया आणि नॉर्थ कॅरोलिनामध्ये अजून मतमोजणी सुरु आहे. त्यात महत्वपूर्ण असलेल्या जॉर्जियामध्ये जो बायडेन यांनी ट्रम्प यांच्यावर कमी प्रमाणात का होईना पण अत्यंत महत्वपूर्ण आघाडी घेतली आहे. तिथे बायडेन एकूण ९०० पेक्षा जास्त मतांनी आघाडी घेतल्याचं वृत्त आहे असं सीएनएनने वृत्त दिले आहे.

तर दुसरीकडे पेनसिल्व्हेनियामध्ये ट्रम्प आणि जो बायडेन यांच्यात अत्यंत अटीतटीची आणि उत्कंठा वाढविणारी टक्कर मतमोजणीत दिसत आहे. एपीच्या अंदाजानुसार तिथे देखील डोनाल्ड ट्रम्प यांचे मताधिक्य १८,०४२ पर्यंत घटण्याची शक्यता वर्तविण्यात आली आहे. जर जो बायडेन यांनी जॉर्जियात बाजी मारली तर १९९२ नंतर जॉर्जिया जिंकणारे ते पहिले डेमोक्रॅट उमेदवार ठरतील. पेनसिल्व्हेनियामध्ये अजून तब्बल २ लाख मतांची मोजणी शिल्लक आहे. तिथे बायडेन फक्त १८ हजार मतांनी पिछाडीवर असल्याचं वृत्त आहे.

News English Summary: Incumbent President Donald Trump and Democratic nominee Joe Biden seem to be at odds, but now Joe Biden is leading. Counting is still underway in Nevada, Pennsylvania, Georgia and North Carolina in the US. In Georgia, which is important in that, Joe Biden has taken a very important lead over Trump. According to CNN, Biden is leading with more than 900 votes.

News English Title: US Presidential Election 2020 Joe Biden Takes Lead On Trump In Georgia Reach Close To Pennsylvania News updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.