पुढील २ आठवडे दररोज १ लाखांपेक्षा अधिक कोरोनाबाधित रुग्ण आढळतील - WHO

जिनिव्हा, १६ जून: जगभरात कोरोनाचे थैमान सुरूच आहे. मात्र आता ही परिस्थिती आणखी गंभीर बनणार आहे. कारण पुढील दोन आठवडे दररोज १ लाखांपेक्षा अधिक कोरोनाबाधित रुग्ण आढळतील, असा इशारा जागतिक आरोग्य संघटनेने दिला आहे. मागील १५ दिवसांत अशीच परिस्थिती दिसून आली आहे.

जागतिक आरोग्य संघटनेचे प्रमुख टेडरॉस एडहोम यांच्या म्हणण्यानुसार, ५० दिवसांनी चीनमध्ये पुन्हा एकदा बिकट परिस्थिती निर्माण झाली आहे. बीजिंगमध्ये नव्याने ९० हजार लोकांच्या चाचण्या करण्यात आल्या आहेत. चीनला काही मदत लागल्यास या संघटनेचे एक पथक तिथे जाणार आहे. सध्या दक्षिण अमेरिका, आफ्रिका आणि मध्य पूर्व देशांमध्ये कोरोनाचे थैमान कायम राहणार असल्याचे जागतिक आरोग्य संघटनेकडून सांगण्यात आले आहे. दरम्यान, भारतातही गेल्या काही दिवसांपासून कोरोनाबाधितांच्या आकड्यात मोठी वाढ होताना दिसत आहे.

भारतात गेल्या काही दिवसांपासून कोरोनाबाधितांच्या आकड्यात जास्त वाढ झाली आहे. गेल्या तीन दिवसांपासून नवीन रुग्णांचा आकडा हा १० हजारांच्या घरात आहे. आजही १० हजार ६६७ नवीन रुग्णांची नोंद झाली. तर ३८० जणांचा मृत्यू झाला आहे. यासह भारतातील कोरोनाबाधितांचा आकडा आता 3 लाख ४३ हजार ९१’वर पोहचला आहे. मात्र दिलासादायक बाब म्हणजे देशात सध्या १ लाख ५३ हजार १७८ सक्रीय रुग्ण असले तरी निरोगी झालेल्या रुग्णांची संख्या जास्त आहे.

News English Summary: Corona thaman continues around the world. But now the situation is getting worse. The World Health Organization (WHO) has warned that more than one million coronavirus patients will be diagnosed every day for the next two weeks. A similar situation has emerged in the last 15 days.

News English Title: World Health Organisation has warned that more than one million coronavirus patients will be diagnosed every day for the next two weeks News latest Updates.