VIDEO | विकेटच मिळत नाही | कंटाळलेल्या विराटची सूर्यकुमारला टशन

अबुधाबी, २९ ऑक्टोबर: सूर्यकुमार यादवच्या नाबाद अर्धशतकाच्या जोरावर मुंबई (Mumbai Indians)ने बँगलोर (RCB)चा 5 विकेटने पराभव केला आहे. बँगलोरने ठेवलेल्या 165 रनच्या आव्हानाचा पाठलाग करण्यासाठी मुंबईकडून क्विंटन डिकॉक आणि इशान किशन ओपनिंगला बॅटिंगसाठी आले. या दोघांनाही चांगली सुरुवात मिळाल्यानंतरही मोठी धावसंख्या उभारता आली नाही. सूर्यकुमार यादवने मात्र एकहाती किल्ला लढवत मुंबईला विजय मिळवून दिला. सूर्या (Suryakumar Yadav) ने 43 बॉलमध्ये नाबाद 79 रन केले, यामध्ये 10 फोर आणि 3 सिक्सचा समावेश होता. बँगलोरकडून मोहम्मद सिराज आणि युझवेंद्र चहल याला प्रत्येकी 2-2 विकेट मिळाल्या, तर क्रिस मॉरिसने 1 विकेट घेतली.

या सामन्यात दोन्ही खेळाडूंमध्ये चांगलाच थरार रंगलेला पहायला मिळाला. हार्दिक पांड्या आणि ख्रिस मॉरिस यांच्यात रंगलेलं शाब्दिक युद्ध आणि हार्दिकचा आक्रमक अवतार सर्वांनी पाहिला. परंतू याव्यतिरीक्तही सूर्यकुमार यादवची विकेट मिळत नसल्यामुळे हतबल झालेल्या विराट कोहलीने थेट मैदानातच सूर्यकुमारवर दडपण आणण्याचा प्रयत्न केला.

बंगळुरुने विजयासाठी दिलेल्या १६५ धावांच्या आव्हानाचा पाठलाग करताना हा प्रकार घडला. डेल स्टेन टाकत असलेल्या १३ व्या षटकात सूर्यकुमारने चौकार लगावला. यानंतर शेवटच्या चेंडूवर कव्हर्सच्या दिशेने खेळलेला सूर्यकुमारचा फटका विराटने अडवला. अथक प्रयत्न करुनही सूर्यकुमारची विकेट मिळत नसल्यामुळे विराटने यावेळी सूर्यकुमारच्या दिशेने चालत जाऊन काहीही न बोलता त्याला खुन्नस देत दडपण आणण्याचा प्रयत्न केला. परंतू सूर्यकुमारही आपली नजर न हटवता नंतर आपल्या खास अंदाजात विराटकडे दुर्लक्ष करत नॉन स्ट्राईक एंडला चालत गेला.

पाहा हा व्हिडीओ;

VIDEO | विकेटच मिळत नाही | कंटाळलेल्या विराटची सूर्यकुमारला टशन pic.twitter.com/NMmGm9KKRX

— महाराष्ट्रनामा न्यूज (@MahaNewsConnect) October 29, 2020

News English Summary: Surya Kumar Yadav channelised all his disappointments and frustrations of Team India snub towards the right cause as he slammed a match-winning knock (79 not out off 43 balls) for Mumbai Indians (MI) in their 5-wicket win over Royal Challengers Bangalore (RCB) on Wednesday. SKY has been one of the most consistent batters in the IPL over the years for MI. His performances in the domestic circuit have also been noteworthy. Midway through the ongoing IPL, many fans and pundits, especially Harbhajan Singh, called out the selectors to give Surya a chance in the national team.

News English Title: IPL 2020 Fight Between Virat And Suryakumar Yadav At Ground Match Between MI Vs RCB sports news updates.