Credit Card | क्रेडिट कार्ड घेत असाल तरा त्याआधी या 6 गोष्टी लक्षात ठेवा, अन्यथा मोठं नुकसान होईल - Marathi News

Credit Card | क्रेडिट कार्ड वापरणे ही तरुण पिढीसाठी एक मजेशीर बाब बनली आहे. अनेक तरुण-तरुणी शॉपिंग ॲपवरून काही ना काही वस्तू मागवत असतात. ऑनलाइन शॉपिंग केल्यामुळे मिळणाऱ्या आकर्षक ऑफर्सचा लाभ घेण्यासाठी तुमच्याजवळ क्रेडिट कार्ड असणे गरजेचे आहे. काहीजण क्रेडिट कार्ड घेतात. परंतु या कार्डचा व्यवस्थित वापर कसा करावा सोबतच काही गोष्टी त्यांना माहीतच नसतात. आज आम्ही क्रेडिट कार्ड घेणाऱ्या व्यक्तींना काही खास गोष्टी सांगणार आहोत. ज्या त्यांना अत्यंत उपयुक्त ठरू शकतात. चला तर मग पाहू.

क्रेडिट कार्ड युटीलायजेशन रेश्यो :
क्रेडिट कार्ड युटीलायजेशनची एक लिमिट असते म्हणजे क्रेडिट कार्ड वापरण्यासाठी एक प्रमाण दिले जाते. तुम्ही हे प्रमाण 30% पेक्षा कमी ठेवले पाहिजे. समजा तुमचं क्रेडिट प्रमाण 10 लाखांपर्यंत आहे तर, 3 लाखापेक्षा अधिक खर्च होणार नाही याची काळजी तुम्ही घेणे गरजेचे आहे.

क्रेडिट कार्डचे लिमिट :
प्रत्येक क्रेडिट कार्डची वेगवेगळी लिमिट असते. तुम्ही तुमचे क्रेडिट कार्ड दिलेल्या प्रमाणामध्येच वापरले पाहिजे. समजा तुमच्या क्रेडिट कार्डचे प्रमाण 5 लाखांपर्यंत आहे तर, तुम्ही 5 लाखांपेक्षा अधिक खर्च किंवा अधिक खरेदी करू शकत नाही.

व्याज मुक्त कालावधी :
समजा तुम्ही तुमच्या क्रेडिट कार्डने एखादी वस्तू खरेदी केली असेल तर, 45 दिवसांपर्यंत तुम्हाला मुक्ती मिळते. ज्यामुळे तुम्हाला फायदा अनुभवता येऊ शकतो. परंतु ही लिमिट संपल्यानंतर तुमचं व्याज पुन्हा सुरू होतं.

क्रेडिट स्कोर :
तुम्हाला तुमच्या क्रेडिट कार्डची लिमिट वाढवायची असेल तर, सगळं पेमेंट वेळच्यावेळी करणे अत्यंत गरजेचे आहे. जर तुम्ही व्यवस्थित आणि वेळोवेळी पेमेंट करत असाल तर तुमचा क्रेडिट स्कोर उच्चांक गाठतो. ज्यामुळे तुम्हाला क्रेडिट कार्डची चांगली लिमिट मिळू शकते. उदाहरणार्थ तुमची क्रेडिट सीमा 5 लाखांपर्यंत आहे आणि तुमचं सर्व पेमेंट अगदी वेळच्यावेळी असेल तर, तुमची क्रेडिट लिमट 7.5 लाखांपर्यंत जाऊ शकते.

कॅश काढणे :
समजा तुम्ही क्रेडिट कार्डने कॅश काढत असाल परंतु असं करू नये. क्रेडिट कार्डने कॅश काढल्यामुळे तुम्हाला सामान्य व्याजापेक्षा जास्त व्याजदर द्यावे लागते. यामुळे तुमचा तोटा होऊ शकतो.

मिनिमम ड्यू आणि टोटल ड्यू :
समजा तुम्हाला ऑनलाइन पेमेंट करण्यासाठी क्रेडिट कार्ड प्राप्त झाले आहे आणि तुमच्यासमोर ठराविक रक्कम भरा आणि पूर्ण रक्कम भरा असे दोन पर्याय आले तर, नेहमी पूर्ण रक्कम भरण्याचा पर्याय निवडा. जर तुम्ही ठराविक रक्कमेचा पर्याय निवडला तर तुमच्याकडून व्याज आकारण्यात येईल.

Latest Marathi News | Credit Card Facts need to know 20 September 2024 Marathi News.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.