१२ आमदारांच्या नियुक्तीसंदर्भात हसन मुश्रीफांचा गौप्यस्फोट | नावांसहित 'त्या' भाजप नेत्यांची पोलखोल

कोल्हापूर, १५ ऑगस्ट | ग्रामविकास मंत्री हसन मुश्रीफ यानी विधानपरिषदेच्या बारा सदस्यांच्या नियुक्त्या भाजप नेत्यांनी जाणिवपूर्वक रखडविण्याचा कट केल्याचा गौप्यस्फोट नगरमध्ये पत्रकारांशी बोलताना केला आहे, त्यामुळे राजकीय वर्तुळात खळबळ माजली आहे.

आपली सत्ता आल्याशिवाय मंजूरी नाही पत्रकारांना जुनी आठवण सांगताना मंत्री मुश्रीफ म्हणाले की, माजी मंत्री विनय कोरे यांच्या मातोश्रींचे निधन झाले, तेव्हा त्यांच्या सांत्वनासाठी भाजपचे प्रदेशाध्यक्ष चंद्रकांत पाटील आले होते. त्याच्या आदल्या दिवशीच हा बारा आमदारांचा प्रस्ताव राज्यपालांकडे गेला होता.

तेव्हा विनय कोरे यांनी पाटलांना विचारले की, दादा काय होणार बारा आमदारांचे? तेव्हा चंद्राकांत पाटील म्हणाले होते की, माझे, देवेंद्र फडणवीस आणि राज्यपाल यांचे बोलणे झाले आहे की, आपली सत्ता आल्याशिवाय ही यादी मंजूर करायचीच नाही. त्यामुळे हे होऊ शकणार नाही. पाटील आणि कोरे यांचे हे बोलणे सुरू असताना तेथे माझे कार्यकर्ते उपस्थित होते. चंद्रकांत पाटलांनी त्यांना पाहिलेच नव्हते. मला या वक्तव्याची माहिती मिळाल्यावर तेव्हाच मी हे जाहीरपणे बोललो होतो. आता मला वाटत आहे की, भाजप राज्यपालांची किती अपप्रतिष्ठा करणार आहे?

त्यांच्यावर किती दबाव आणणार आहे? मंत्री छगन भुजबळ राज्यपालांवर दबाव आहे, हे म्हणाले ते खरे आहे, असेही मुश्रीफ म्हणाले. दरम्यान, विधान परिषदेच्या बारा आमदारांच्या नियुक्तीला उशीर झाल्याबद्दल मुंबई उच्च न्यायालयाने राज्यपालांना संयमित शब्दांत त्यांच्या कर्तव्याची आठवण करून दिली.

मात्र त्यामुळे या प्रकरणात राज्यपाल पदाची अपप्रतिष्ठा झाली आहे. त्यानंतर राज्यपाल आणि गृहमंत्री अमित शहा यांची भेट झाली, तेव्हा शहा यांनी राज्यपालांना समज दिली असावी,’ असे मत राज्याचे ग्रामविकास मंत्री तथा नगरचे पालकमंत्री हसन मुश्रीफ यानी व्यक्त केले आहे.

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया महाराष्ट्रनामाला न विसरता ‘फॉलो (Follow) ‘ करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल. त्यामुळे आम्हाला नक्की फॉलो करा. महाराष्ट्रनामा नेहमीच वाचकाच्या पसंतीचे आणि निरनिराळ्या पण महत्वाच्या विषयांवरील लेख प्रसिद्ध करण्यास वचनबद्ध आहे. जर तुम्हाला आमचा हा लेख आवडला असेल तर तुमच्या मित्र मंडळीपर्यंत WhatsApp किंवा Facebook च्या माध्यमातून नक्की शेअर करा. तसेच अयोग्यविषयक प्रकाशित / प्रसारित केलेली बातमी /लेख केवळ आपल्या माहितीसाठी असतो. कृपया त्यांच्याशी संबंधित कोणत्याही वापरापूर्वी एखाद्या तज्ञाचा सल्ला घ्या.

News Title: 12 MLCs politics disclosed by miniter Hasan Mushrif news updates.