VIDEO | मातोश्रीवरचा चप्पलचोर | भाषा बदल नाहीतर जिथे दिसाल तिथे फटकावीन - निलेश राणे

मुंबई, ०९ फेब्रुवारी: केंद्रीय गृहमंत्री अमित शाह यांच्या कोकण दौऱ्यानंतर भारतीय जनता पक्षाला प्रत्युत्तर देण्यात आघाडीवर असलेले शिवसेना खासदार विनायक राऊत यांच्यावर निलेश राणे यांनी अत्यंत शेलक्या शब्दांत टीका केली आहे. विनायक राऊत म्हणजे मातोश्रीवरचा चप्पलचोर आणि ‘थापे’बाज आहे, अशी बोचरी टीका निलेश राणे यांनी केली. (Former MP Nilesh Rane rightsized Shivsena MP Vinayak Raut)

विरोधी पक्ष नेते देवेंद्र फडणवीस यांच्या हट्टामुळे शिवसेना-भारतीय जनता पक्षाची युती तुटली. तसेच अमित शाह हे विश्वासघातकी व्यक्ती आहेत, असे खासदार विनायक राऊत यांनी म्हटले होते. या टीकेला माजी खासदार निलेश राणे यांनी एक व्हिडीओ ट्विट करुन प्रत्युत्तर दिले आहे. या व्हिडीओत माजी खासदार निलेश राणे यांनी विनायक राऊत यांचा अक्षरश: शेलक्या शब्दांत उद्धार केला आहे.

चप्पल चोर शिवसेना खासदार विन्या राऊतवर प्रतिक्रिया. pic.twitter.com/4k2NFkXNFT

— Nilesh N Rane (@meNeeleshNRane) February 9, 2021

विनायक राऊत ही खासदारपदाच्या लायकीची व्यक्ती नाही. संसदेत काय बोलायचे हेदेखील त्यांना कळत नाही. केवळ लाट होती म्हणून ते कोकणातून निवडून आले. त्यांच्यात हिंमत असेल तर या क्षणाला खासदाराकीचा राजीनामा देऊन निवडणूक लढवून दाखवावी. मग त्यांना किती मतं पडतात, हे पाहूच. विनायक राऊत यांच्यात तेवढी हिंमतही नाही. पण २०२४ च्या लोकसभा निवडणुकीत आम्ही त्यांचा बंदोबस्त करुन राऊतांना कोकणातून हद्दपार करू, अशी गर्जना निलेश राणे यांनी केली.

काही दिवसांपूर्वीच जिल्हा नियोजन बैठकीत विनायक राऊत आणि नारायण राणे यांच्यात खडाजंगी झाली होती. त्यानंतरही विनायक राऊत सातत्याने राणे यांच्या टीकेला त्यांच्याच भाषेत प्रत्युत्तर देत आहेत. या पार्श्वभूमीवर निलेश राणे यांनी विनायक राऊत यांना इशारा दिला. तुम्ही भाषा बदलली नाहीत तर जिथे दिसाल तिथे फटकावीन, असा इशारा देखील निलेश राणे यांनी दिला.

News English Summary: Opposition leader Devendra Fadnavis’s stubbornness broke the Shiv Sena-Bharatiya Janata Party alliance. Also, Amit Shah is a traitor, said MP Vinayak Raut. Former MP Nilesh Rane has responded to this criticism by tweeting a video. In this video, former MP Nilesh Rane has literally rescued Vinayak Raut in shellac words.

News English Title: Former MP Nilesh Rane slams Shivsena MP Vinayak Raut news updates.