निलेश राणे रामदास कदमांना म्हणाले, आज तुम्हाला शिवी घालणार नाही!

कणकवली: “रामदास कदम तुम्ही संपूर्ण वेळ राणेंना शिव्या घालून ठाकरेंना खुश करण्यासाठी घालवला आणि तेच ठाकरे तुमच्यावर थुंकले,” अशी घणाघाती टीका माजी मुख्यमंत्री नारायण राणे यांचे पुत्र, माजी खासदार आणि भारतीय जनता पक्षाचे नेते निलेश राणे यांनी केली आहे. महाविकास आघाडी सरकारच्या मंत्रिमंडळ विस्तारामध्ये स्थान न मिळाल्याने शिवसेनेचे विधान परिषदेतील ज्येष्ठ नेते रामदास कदम नाराज असल्याच्या वृत्तावर प्रतिक्रिया देताना निलेश यांनी टीका केली आहे.

रत्नागिरीचे माजी खासदार नीलेश राणे यांनी ट्विटरच्या माध्यमातून कदम व पर्यायानं उद्धव ठाकरे यांच्यावर टीकेची तोफ डागली आहे. आपल्या ट्विटमध्ये राणे म्हणतात, ‘रामदास कदम, तुम्ही संपूर्ण वेळ राणेंना शिव्या घालून ठाकरेंना खूश करण्यासाठी घालवला आणि तेच ठाकरे तुमच्यावर थुंकले. आम्हाला शिव्या घालून तुम्ही शिवसेनेशी किती निष्ठावान आहात हे दाखवायचा. पण आज तुम्हाला उलट शिवी घालणार नाही कारण न घालताच ती तुम्हाला बसलेली आहे.’

Web Title:  Former Ratnagiri MP Nilesh Rane slams former Minister Ramdas Kadam for not getting cabinet berth in Maharashtra.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.